التجار زودوا أسعار كافة شيء من اللقمة لفلاشة الكمبيوتر الضعف في يومين بمجرد ان الدولة قررت ترفع الرواتب نعمل اي؟!!

نزلت اشتري طرابيزة فورمايكا كانت بعد الغلا والكوا من شهر ب 300 جنيه سألت عنها الأربع الماضي قالوا 300 جنيه
انهارده 450
ليه؟

شوف الإجابة

أصل الدولة بتزود الرواتب
تمام ماهي بتزود الموظفين عشان تواجه جشع التجار؟
احنا بقا استعدينا وزودنا
ودي خطوة للتعويم
طب ماهو لو اتعوم أنتم برضه هتزودوا علي الزيادة؟

يكون الرد :

قضا ربنا كدا احنا لازم ناخد من المواطن
والله العظيم رد التاجر بكل ثبات انفعالي ولا عنده ذرة آدمية
طب لو الدولة زودت الموظف 200 جنيه أنت زودت ب 300يعني الدوبل طب المواطن هيواجه اي ولا اي؟
يكون رده
فلاشه الكمبيوتر كانت ب 50 جنيه لحد شهر انهارده ب 350 جنيه يعني 400% اشمعني احنا

أجبت عليه دي مستوردة لكن منضدة تجمعها بمنتج مصري في ورشة تزودها في يومين ثمن سعرها ليه؟
وبتوع الخضار يبيعوا كيلو الخيار ب30 جنيه ليه؟!! هو مستورد وقس علي ذلك الأدوات المدرسية
الورق
الأجهزة الكهربائية بقا تجارها احجموا عن البيع ويقولوا دي للعرض فقط وعليها أسعار من 70 سنة قادمة
يا حكومة خليها لنا الرواتب كما هي
لله الأمر من قبل ومن بعد

شهيرة النجار