شفت ياشو…. لأ وفيه ناس معتبرين رمضان شهر الحفلات والعزايم بشكل مستفز كل يوم حاضرين فطار وسحور وحفلة وغنا.
بجد ايه ده حاجه مستفزه جدااااا
عاوزه أقولهم علي فكره ده شهر تكثف فيه العبادات. مش الالحفلات كل يوم
![](https://hikayat-shahira-elnaggar.com/wp-content/uploads/2024/04/IMG-20240401-WA0016-988x1024.jpg)
دي رسالة من شخصية عامة مش مصدقة ان ناس كل يوم خارجة قاعدة في عزايم وحفلات وخيام رمضان وعاملة الشهر الفضيل بيزنس وفيه اللي بعمل دعاية عباءات
ودعاية للخيام
ودعاية للأكل
![](https://hikayat-shahira-elnaggar.com/wp-content/uploads/2024/04/IMG-20240401-WA0015-1024x761.jpg)
وفيه رجال أعمال مثلا واحد عامل كل يوم في بيته عزومة من الفطار للسحور يوميا وبوفيهاته يوميا ممدودة للشخصيات الشهيرة
حط خط تحت الشهيرة دي
![](https://hikayat-shahira-elnaggar.com/wp-content/uploads/2024/04/IMG-20240401-WA0014-1024x587.jpg)
وجايب طباخين وسفرجية وميزانية لوحدها تبني مستشفي زي اللي بيعلنوا عنها دي
وتلاحظوا ان فيه تخفيف
يخفوا في مواقع وصحف … حبتين نشر صور سحور وإفطار لانها تستفز الناس والناس مركزة
![](https://hikayat-shahira-elnaggar.com/wp-content/uploads/2024/04/IMG-20240401-WA0013-1024x796.jpg)
ممكن صور إفطار محافظ مع ذوي الهمم معلهش
سحور مين مع ايه مايضرش
![](https://hikayat-shahira-elnaggar.com/wp-content/uploads/2024/04/IMG-20240401-WA0012-1024x678.jpg)
لكن العزايم الضخمة بالملايين وفيها تجار ورجال أعمال وإعلاميين ومسؤلين وإظهار الشلالية والتكتلات ؟
بلاش
الناس مركزة في الفرخة اللي بريشها والأسعار اللي بتنزل علي الورق بس لهم دنيتهم ولهؤلاء عالمهم لادا يبص هنا ولا دا يعرف حد حاله والورق وربنا نظبط اللي بتنشر ونتحكم فيه عشان مشاعر الناس اللي نزلت من فوق المتوسطه للمتوسطة هوب لقوا نفسهم في تحت الماوية هوب بقوا في الفقيرة هووووب في البير
![](https://hikayat-shahira-elnaggar.com/wp-content/uploads/2024/04/IMG-20240401-WA0011-1024x654.jpg)
شهيرة النجار