بمناسبة شفاء الجميلة نجوي إبراهيم من المرض اللعين بعد أيام من تصريحها عنه :بتفكرنا بنجمة كبيرة كانت دائماً تقول كدا

الحقيقة التنمر علي المذيعة والممثلة الكبيرة نجوي إبراهيم من قبل الجمهور شيء مهين
وخارج عن نطاق الإنسانية وتحول بعض من الناس لجلادين
عايزين البني آدم لما يكمل الستين يركن علي جنب ومفيش شغل زي الخيل
حاجة كدا من متناقضات بعض البشر الموجودين في مصر
المهم الناس تنمرت بنجوي إبراهيم
تجاوزوا
نجوي خرجت وقالت منتظرين موتي خلاص مسألة وقت وأعلنت انها مصابة بالسرطان

بعد أسبوعين
خرجت نجوي إبراهيم وبشرت محبيها انها الحمد لله تمم الله شفاها ببركة دعاء الجمهور والمحبين لها
طبعا ربنا يتم عليها شفاه وعلي كل مرضي المسلمين
لكن الكلام الداير يا نجمة بين الناس وأولهم الوسط الفني والإعلامي
هل كنتي فعلا منذ أسبوعين كنتي مريضة بالمرض اللعين دا؟ وقت الهوجة التي كانت أصلا غير إنسانية؟
الوسط بقول ان موقف نجوي إبراهيم بيفكرنا بنجمة استعراضية كبيرة
كان كل ما يحصل حاجة تقول ان عندها المرض اللعين دا
ولما كانت تعمل موقف وتهاجم عليه تقول كدا
لحد عافانا الله ما حصل لها فعلاً
سيدنا النبي بقول لا تمارضوا فتمرضوا
والنجمة دي كانت حتي تستجدي مشاعر المقربين لها أو تبعد العين عنها فكانت تقول كدا
لحد ما حصل لها
أنا طبعاً مش بقول ان نجوي إبراهيم سلكت نفس المسلك
حاشا لله ولكن بقول الداير بين البعض
عموماً ألف مليون سلامة ليكي يا ست الكل

شهيرة النجار