حديث المجتمع والناس : لم يمر علي مصر عدد إفطارات وسحور مثل هذا الرمضان اي الفلوس دي احنا أغنياء أوي كدا؟؟

بقا لي 25 سنة واكتر بغطي مجتمع مصر يعني قول ربع قرن مر عليا افراح
مناسبات
رمضان
فطار
سحور
شم نسيم
كده
كافه شيء
وأعتقد كنت بتميز ان مش بفوت سنتوفه قبل عك الفيس بوك
لكن مر عليا رمضان هذا العام
فيه كميه دعوات إفطار وسحور من جهات رسميه وأعضاء نواب.
ومواطنين.
وفنانين.
ومجتمع وهيئات بالشكل الذي حدث في الرمضان؟!!!
أبدا
اعتقد وأنا بحسب اللي لم أنزله.
ووصلني من إفطارات وسحور لشخصيات عامة وأعضاء نواب وصلت ل1500 عزومة
اي كميه الصرف دي دا غير ميات عامه وخاصه يعني قول مصر أهل مصر فطروا وسحروا 100 ألف ؟!! وسعت صح ؟

اي كميه الفشخرة واللبس والعبايات والألماس دي
أقل كيلو لحمة ب500 جنيه. الفرخة بريشها ب130 جنيه
لما تعمل عزومة عايز أقله في بيتك 15 ألف جنيه بأسعار الآن
ولوازمها برا الفرد في الأماكن دي ب1000 أقله لو 300 نفر أقله أضرب
وفيه ناس عزمت في بيوتها بال800 نفر وجابوا طباخين وأكل من الفنادق وقلبوا بيوتهم فنادق
و فيه ناس احسبهم عايشين علي مرتباتهم بيعملوا في الشهر ب 10 مرات عزومات سحور
؟!!!! اي
ليه

ويجي واحد من برا يقول مصر مفلسة؟؟
فلس لما يطلع من عينك منك له لها له
احنا مفلسين؟
فشر
دا ابسط سحور كلف ب10 مليون يا جدع.
حاجات خاصة!!
تقول علي مصر مفلسة

أيام مبارك لما زادت حكايه ان كل
جهه تعمل إفطار أو سحور.
وهم هم نفس المدعويين
لتقليص النفقات هو إفطار واحد
مثلاً لو كل كلية بجامعة بتعمل يبقي هو إفطار واخد للجامعة
لو مديرية الأمن بتعمل و الأمن الوطني والإسعاف يبقي واحد بس
وهكذا
والباقي الغي
الآن فيه كميات إفطار وسحور من أشخاص عاديين ومشاهير
وسياسيين وفنانين
ورجال أعمال
ومستشفيات
وشركات وبنوك
اي دا كله
لم اعهدها من قبل
ودخلنا علي ليفيل الوحش
عباءات اي أنا شفت واحده ب 30 عبايه أقل واحده تدخل في 10 تلاف جنيه أقله اي دا

شهيرة النجار