تامر بعشرتلاف ووجه مغمور بالفين جنبه اسمه سعد سعد اي؟ سعد الصغير
الرابع 🌹🌹🌹

حسن لطفي قرر يعمل فرح مختلف لمهاب وحيده طبعاً كان المكان المختار نمرة واحد في إسكندرية هو السلاملك طبعاً دا يدخلنا في حكايات المنتزه والمرحوم وسيم محي الدين وقصة السلاملك التي عايشتها يوم بيوم بس مش هكتب كتير فيها لان السلاملك ووسيم. لهما حق عليا توثيق فكره وإسهاماته في إسكندرية
مهاب طلب تامر حسني الفرح اظن في2005 أو 2006 كان تامر بياخد 10 تلاف جنيه ودا رقم بالنسبه لتامر كبير علاه ل25 ألف بعد ما دخل الجيش وازمه تزوير شهادة التجنيد والقصه اياها وخرج رافع أجره ل25 ألف وقتها وأول حفل عمله بعد خروجه كان ب25 ألف جنيه. في لاجون واللي استحضره المرحوم جوزي لما كان شريك في لاجون قبل اللي قبل. بقا واهي راااحت لاجون وكل الحديقة الدولية سبحان من له الملك والدوام. دنيااااااات كل يوم هو في شأن لمن الملك اليوم ؟ لله الواحد القهار
نرجع للفرح وكان وقتها اللي بيحضر كل صور حفلاته لي لأنشرها تامر عبد المنعم اللي هو الآن متعهد حفلات قد الدنيا تامر كان وقتها جامع شويه شباب بيلتمس فيهم الخير ان يفرقعوا ويعلا معاهم مي سليم محمد نور أحمد فهمي مريام فارس ودخل معاهم بشري في بروجرام الحفلات للساحل و إسكندرية ودخل إليسا بس إليسا كانت طلعت ونجحت ودخل رولا سعد وكان معاه وياسر الحريري dg وقتها وواحد تالت اسمه وليد. بس فاكرة رايح من بالي انتج أفلام وخسر
🌹🌹🌹المهم مهاب طلب تامر حسني ووالده قال له هعمل مفاجاه اي المفاجاه 🌹🌹🌹
فيه واحد طالع شفته في شرم الشيخ بيغني ويرقص زي… دا هيبقي نمرة جنان بكام ؟ مالكش فيه مايعملش ألفين جنبه
مين دا اسمه سعد الصغير

حسن لطفي يوم الفرح عزمنا ما روحتش لان كنت بقفل عدد الشغل وزعل حسن وتاني يوم صالحت حسن وطبيت علي العرسان في جناح أفندينا بالسلاملك😂😂
حضر سمير صبري ومي عز الدين هي ووالدتها لأنهم صحاب وجيران حسن الله يرحمه من الشاطبي ً

جاء ميعاد نمرة الوجه الحديد سعد الصغير
سعد شاف سمير صبري من هنا فقرر يتفوق علي نفسه لان لو سمير عجبه شغل سعد مش بعيد يطلعه في برنامجه هذا المساء الذي كان برنامج المنوعات الأول بالتلفزيون المصري
ثاني يوم 🌹🌹🌹🌹الخامس

كلمني سمير مبهور بفكرة غناء ورقص سعد الصغير طب فين الصور يا حسن؟ أنزلها العدد القادم ؟ حسن مقموص عشان ماروحتش الفرح. يا ابني هات الصور المهم. رحت اتفرجت علي الفيديو كان فيه شرايط فيديو 🤣🤣. بتاع الفرح وشفت الصور
فتحت بقي اي دا دابيرقص فشر دينا وفيفي عبده🤣🤣
السادس🌹🌹🌹🌹🌹

نزلت بموضوع فرح مهاب وكنت شايفه لما بنزل شغل افراح ان الحاضرين بينهم مشاهير والذي احيا الفرح معروف نوعا ما وقتها تامر حسني قوم فردت لفكرة رجل يرقص ويتمايل واسهبت وكنت أحب انشر الغريب والجديد
🌹🌹🌹🌹السابع

قوم صديقي وزميلي المرحوم مجدي مهنا صاحب الباب الأخير بالمصري اليوم وقتها والكاتب السياسي الثوري وقتها بلا حساباتً وقتها وأول من كتب عن التوريث قوم كلمنياي ياشهيرة الهبل اللي كاتباه دا ونشر صور راجل يرقص؟ والله يامجدي أنا شفت الفيديو ما حضرتش الفرح وكلمت سمير أسأله رأيه قال عليه فكرة جديدة جنان هتاكل مع الناس

فنشرت قوم مجدي مهنا يكتب في بابه الشهير معلقاً علي ما نشرته في بابي علي الأستاذ سعد الصغير منتقداً فكرة رجل بيرقص وكدهون وعندي العدد في أرشيفي لازم اطلعه للتوثيق قوم وقتها كنا داخلين علي رمضان قوم منظم خيمة علي ما اتذكر نسيت🙈💃 أبو عوف. حاول يكلمني يطلب نمرة الراجل اللي بيرقص ويغني دا قوم جبتها من حسن لطفي قوم اخدها صاحب الخيمة نزل سعد الصغير نمرة الناس راحت حاجة جديدة بقا قوم راح السبكي يشوف اي الحكايه عجبوا سعد هاتوا سعد هعمل لسعد باكورة أفلام 🤣🤣 وعدي سعد
وكانت البداية أبو مهاب وفرح مهاب

ودي عينه من فرح مهاب الذي كان فرحه ونشري للفرح سبب اكتشاف السبكي لسعد الصغير وسبب سعد سعد وعدي الجمايل يا مصر 🤣🤣
وللحديث بقية بإذن الله تعالي

مرفق صور فرح مهاب التي توثق لمرحله اجتماعيه وفنيه وأحداث الرح بالسلاملك أيام عز وجد إسكندرية نجوم
وحسن لطفي أول من عمل كافيه بمفهوم سابق لعصره فقلده الكل بعدها

ظهور الوجه الجديد سعد الصغير اللي اكتشفه حسن والد مهاب وأنا كنت سبب سعده دون ان يدري
الشاب الصاعد تامر حسني

مي عز الدين حكااايات كثيرة جداً واضح عايزه بود كاست ونحكي ونارخ واعمل كدا زي استاذي عادل حموده بيقلب المكتوب لمسموع في البودكاست لان الناس ذاكرتها حتي ما حصلتش بساريا ومرفق الحلقه الأولي عن لقاء مهاب بعد21 من زواجه https://www.facebook.com/share/p/1B47Kk4YMf/?mibextid=wwXIfr لينك الحلقه الأولي عن مهاب
https://www.facebook.com/share/p/1KS8nUdXmT
شهيرة النجار


and then