شايل علم عليه غدرته سواء خيانه أو سرقه أو تشويه سمعة أو أي غدرة كبيره أو صغيره
يمكن في الدنيا الغادر بيحط لغدرته مسميات تانيه أو مبررات يسكن بيها ضميره بس يوم القيامة الموضوع منتهي والغدر هو الغدر والغدار هيتفضح على الملأ بغض النظر عن غدرته دي سماها في الدنيا إيه ولا حطلها مبرر إيه
اللي ائتمنك على عرض
اللي ائتمنك على سر
اللي ائتمنك على مال
اللي وقف جنبك وأنت مصدي وجاب لك بيت وفتح بيتك ورد سمعتك الملوثه عشان ترجع تاكل عيش بيها
اللي ائتمنك وشاركك وأنت حقدك عليه جعلك تغدر بيه وتلوث سمعته لتسعد شهوة الغدر والحسد اللي جوا بوءرة نفسك
اللي ساعدك تبقي معاه ويعطيك من اسمه عشان تكبر
اللي اعتمد عليك تكون وكيل عنه وأنت تغدر عشان طماع وواطي وحاقد ومفيش فيك بمليم جدعنة ورجولة
اللي فتح لك قلبه وأنت ماسك سكينة في إيدك مخبيها له
اللي وقف جنبك في شدتك وقطّع من قوته ووقته وانت لما طلع لك ريش واستقريت بيه
غدرت بيه
أو حتى ما اتمنتش النعمة اللي عنده وكرهتها وهو ممكن وأكيد مش سبب فيها شكل وضع اجتماعي طلة قبول مال حاجات ربنا يهبها لمن يشاء من عباده حركت فيك غيره أو حقد فغدرت بيه في سيرته أو سمعته
“وَوُضِعَ الْكِتَابُ فَتَرَى الْمُجْرِمِينَ مُشْفِقِينَ مِمَّا فِيهِ وَيَقُولُونَ يَا وَيْلَتَنَا مَالِ هَٰذَا الْكِتَابِ لَا يُغَادِرُ صَغِيرَةً وَلَا كَبِيرَةً إِلَّا أَحْصَاهَا”
اللي اتغدر بيه يتطمن
شهيرة النجار