خناقة بين ريهام سعيد وصاحبة قناة الشمس تشعل الوسط الإعلامي

حالة من الجدل أثارتها الإعلامية ريهام سعيد وسميرة الدغيدى مالكة قناة الشمس على خلفية الخلافات بينهم.

قامت مالكة قناة الشمس بنشر فيديو لـ ريهام سعيد وهى تستخدم أحد منتجات التجميل التى كانت ريهام سعيد قد أعلنت من قبل إنها لا علاقة بها وإنها كانت خدمة لابن صاحبة القناة.

ونشرت سميرة الدغيدي موجهة رسالة لـ ريهام سعيد قائلة،” هو مين قال أنك مسئولة عن ترولايت أنتي مذيعة اأخدتي أجرك علي هذه الفقرات وخلصنا كون أنك بكل الطرق حولتي تاخدي أجر تاني وترفض ده هو اللي مخليكي وصله للحاله دي أنسي ان اللي بتعمليه ده هيخليكي تاخدي مليم زياده لانه مش حقك وعشان الكل يفهم الهانم دي عايزه كل ما الفقرات اللي أخدت أجرها 450 ألف جنيه تتذاع تاخد فلوس تانيه وده عمره محصل في أي قناة في الدنيا لا عربية ولا أجنبيه وعشان أوضح أكتر علي سبيل المثال محمد رمضان أخد أجر عن مسلسل جعفر العمدة فهل منطقي كل ما المسلسل يتذاع ياخد أجر تاني اتقي الله وكفياكي حرب ركزي في شغلك خلصنا بقي وبالمناسبة (أنتي هتتسجني).

ومن جانبها ردت ريهام سعيد قائلة،”طب الحمد لله أنكً اعترفتي ان بعد 25 سنة إعلام أنك قعدتيني علي طبق غسيل بعد كل النجاح إلي حققته كانت دي الشكرا . شفتي بتكرمي الناس إلي معاكي إزاي؟لا مكنش فري دفعت تمنه غالبي أوي من كرامتي و تاريخي إلي راح علي أيديكي أنتي فاكره ان أنتي كده رخصتيني بالبوست ده ؟ بالعكس هو مين إلي رخصني و دلوقتي بيعايرني بالي هو عمله فيه الحمد لله أنك اعترفتي إني عندك قعدت علي طبق غسيل و القاعده دي انعملت عشان خاطرك بس الحمد لله ربنا اكرمني و رجعت لقيمتي و كياني إلي تعبت فيه و مكاني الصح إلي استحقه.

وكانت الإعلامية ريهام سعيد قد تبرأت من حملة إعلانات كانت تذاع ببرنامجها فى قناة الشمس،قائلة،” أنا غير مسؤوله عن إعلانات ترو لايت المذاعة علي قناه الشمس دي كانت خدمه لابن صاحبه القناة المالك لهذا المنتج”.

وتابعت ريهام سعيد،” اللى أكد لي جودته و امتنعت عن تقديمها بعد شهر واحد لأسبابي الخاصة و تركت القناة لهذا السبب. و اتخذت الإجراءات القانونية لوقف هذا الإعلان و سأنشر الإنذار المرسل للقناة”.

شهيرة النجار