كل واحد حر في حياته لكن بستغرب علي بعض ناس في المجتمع تذهب للعمرة
وهي نازلة من الطائرة داخلة علي السوق الحرة بالبسبور تشتري لها خمور!
ترجع ثاني يوم اديها حفلات ودانس
وتقول أصل بنشعبن!!
بنشعبن؟!!
أعرف ان نأكل أكلة رنجة
فسيخ
حواوشي
لكن نروح عمرة ونرجع مانرحمهاش؟!!!
ناااس كتير اليومين دول كدا ومجتمع مايعرف بالايليت كدا وحفلات ماتعدش
في كل قصر وفيلا وبيت من دول كدا
ويتخانقوا مع بعض أنا هعزم الأول
لاء حفلتي الأول
وناس ووشوش
ودي دخلت الشلة ودا خرج من الشلة
ودا دمه شربات
ودي بتنكت
ودي ماتتعزمش عشان بنأدبها لانها اي
ودا بيطلع يفتن
ودا مصالح اللي احنا مخاصمينه
والغريب تلاقي ناس من إسكندرية طالعة تروح عزومة وترجع صد رد
ليه كدا؟
مجتمع أصل مجتمع القاهرة غير !!
لاء واي يدخلوا ويفتوا ويقولوا لك بص التحريم وقصة المنع والسكر دي فيها قولان واختلفت المذاهب عليها!!
ناس تمام
طيب والعودة من العمرة من عند بيت الله وتقلب 180 درجة دا اسمه اي؟!!!
شهيرة النجار
and then