لم يعد خافيا ان الفيس بوك اصبح ثلثيه اكوانتات فيك تتبع شركات سوشيال ميديا تلميع في اي حد يخطر لهم. و… او مرضي عنه
من الحاجات التي وقعت عليها عيناي كلمتين في اكوانت فيك من اللي الممثل يحب يسمعهم أو يقرأهم عن نفسه
حتي يركب سلم النجومية
كاتب اي علي بنتنا اللي قسما بالله ما فرقتها عن حد كله شبه بعض بس تقول اي:
إزاي سلمى أبو ضيف تحولت من ممثلة من Egypt لممثلة من مصر.
خليني أقولك أن سلمى وتارا ومايان وجميلة وهدى المفتي وكذا حد من نفس سنهم تقريباً من نفس المدرسة اللي بتتكلم انجليزي أحسن من عربي وتشم كده وأنت بتشوفهم ريحة برفان حلوة ولو شوفت واحدة منهم في الشارع تخاف تسلم عليها لتكلمك بالإنجليزي فكل ده عمل حاجز نفسي بينهم وبين عموم الشعب لأنهم ببساطة بينتموا لـ Egypt مش مصر اللي عارفينها وهنا بقى سلمى كسرت القاعدة السنة اللي فاتت وعملت عمل تاريخى اسلامى وهو رسائل الإمام وده مغامرة شديدة لممثلة محسوبة علي فئة معينة والعمل التاني كان المداح الجزء الثالث وكان دورها صعب عن فتاة صعيدية عذراء حملت من الجن.
السنة ديه سلمى بتوصل لل extreme شوية إنجليزي برضو عشان لو قرأت الكلام وبتعمل دور بنت تيك توكر من حارة شعبية وعندها صراع ضمير بين إن اللي بتعمله ده ما يصحش وبين طموحها ورغبتها في تحسين وضعها الإجتماعي وصراع تاني من اللي بيحاولوا يبتزوها زي اختها نسمة الكاريزما وزوج أختها الكبيرة واللي عايزين يطلعوا منها بأي مصلحة علي حساب سمعتها.. شخصية شيماء كانت جاني ومجني عليه في نفس الوقت يعني جاني علي نفسها ومجني عليه من المجتمع وده اللي قدرت سلمى توصله للجمهور في لحظات المحاكمة أو طوال أحداث المسلسل.
سلمى بتمشي نفس خطوات نيللي كريم ولو استمرت علي خياراتها هتأخد فرص أفضل من نيللي لأن ملامحها مصرية أكثر من نيللي.
للعلم بقا أنا لأ ليا في نيللي كريم وحد من دول خالص لكن مر البنات بالشعر الأسود والملامح العربي موضة بقا
والنبي ابقوا اعملوا باللي بتقبضوه وخفوا أيديكم شويا عشان الطبخة ما تشيطش
شهيرة النجار
and then