قدم الثلاثى: الشاعر صلاح جاهين والملحن كمال الطويل و السندريللا سعاد حسنى أعمال ناجحة كثيرة مع بعض ومنهم واحدة من أجمل أغاني عيد الأم وكما نشرت مجلة آخر ساعة فى ٢ إبريل ١٩٨٦، فلقد طلب ممدوح الليثى من السندريلا ان تقدم أغنية خصيصاً لعيد الأم فطلبت سعاد ان تكون الأغنية من كلمات جاهين وألحان الطويل ثم ذهبت سعاد لمبنى التليفزيون لتصوير الأغنية وإلتف حولها كبار المخرجين والصحفيين لحضور تجربتها فى تصوير الأغنية بالفيديو وكعادة أعمال الثلاثى جاهين والطويل والسندريلا نجحت الأغنية وإستحسنها الناس لما حملت من كلمات بسيطة ومعانى معبرة ولحن مبهج.
ياماما.. يا أما.. ياماتى
سلاماتى.. أحتراماتى.. قبلاتى
صباح الخير.. يا مولاتى
ياماما.. يا أما.. ياماتى
أبوس الأيد
وقلبى سعيد
يا أول حب فى حياتى
ياااااااأمى
علشانك أنهاردة
الدنيا كارت معايدة
ملى الربيع أركانها
بمليون ألف وردة
والكون بقى جوة بيتك
وأنا قبل الكل جيتك
ياللى أنتبهت لقيتك
أنا وأنتى حاجة واحدة
تحبينى وأنا أحبك
وأعيش بالقرب من قلبك
عيونى معجبة بيكى
وروحى كلها تجاوبك
وأغمض وأفتح أقولك
صباح الخير يامولاتى
بغنى للأمومة
ولليد الخدومة
وأقول الله ياأمى
على الدفء والنعومة
ياست يافدائيه
ياللى قضيتها هى
تجعل حياتى هنيه
ولو تبات مهمومه
تعبتى كتير عشان خاطرى
عشان أمشى عشان أجرى
ومهما جريت بعيد خالص
أدينى جيت قوام بدرى
أضمك بفرحة وأقولك
صباح الخير يامولاتى
منساش الإبتسامه
ومش حنسى يا ماما
الشخطة اللى تعلم
ومتهينش الكرامة
علمتينى المعانى
والصبر على الأمانى
والضحك والأغانى
وكلمتينى ياما
بحييكى وأهنيكى
وأقول يارب يحميكى
وكل ما أشوف أمل وحياة
أشوف صورتك أناديكى
ياماما يايوما ياماتى
شهيرة النجار
and then