شهدت ندوة يسرا التي أقيمت علي هامش مهرجان الجونة حكايات وقفشات
منها جملة إيناس الدغيدي ليسرا وهي تنطقها بضحك طريقة معروفة لتمرير اي طوبة
قالت لها أنتي بتحبي الفلوس موت
أنا شخصياً اتخضيت ان التوصيف دا تقوله إيناس أنتيم يسرا وشريكتها يوما ما في مشروع بالساحل الشمالي
ممكن تتقال خارج كادر الكاميرا.
لكن في ندوة علني !!
رد فعل يسرا كان سريع بنفس الضحكة بتاعة إيناس قالت فعلاً بحبها لسبب ان مش عايزة أحتاج لحد
عايزة الفلوس بس عشان ما احتاجش وغير كدا ملهاش عازة عندي
إجابة وسؤال بينهم حاجة مش فاهماها
أصل الكار دا مش بينطق اي كلمة كدا،
دي حاجات محسوبة بميزان ذهب
ولا يمكن متفقين عليها قبل القعدة العلنية دي؟
جايز
بس سؤال وهو مين مش بحب ان الفلوس تخليه لا يحتاج لأحد؟
بس احتياج عن احتياج يفرق
ناس ممكن تحتاج 100 مليون وتبقي سلطانة زمانها
وناس تحتاج مليار وما يكفوش سنة
وناس تحتاج تفك كل مشاكلها ب100 ألف جنيه بس
ماهو برضه الاحتياج مقامات
بس ليه إيناس تنطقها كدا في العلن؟!!!
علاقة دانتيلا وورد عليه
شهيرة النجار
and then