عارفة ثمن البطة كام يا مدام لميس؟!!

لازم استفزاز للناس وخاصة البسطاء
برنامج علي القناة العامة الرسمية أون تي في
السيدة لميس الحديدي تقدم فقرة طهي بمناسبة شهر رمضان المبارك وتقديم بط بالفريك وسلاطات وحلويات!!

تعرفي تمن أقل بطة كام الآن؟
ألف جنيه الذي كان ثمن خروف حتي 5 سنوات
لم تعد رفاهية الأسرة البسيطة التي تجتمع أول يوم رمضان حول بطة وشوربتها يتعمل عليها رقاق أو ملوخية موجودة لان تكلفة الأكلة دي مع شوية سلاطة داخلة في 2000 جنيه داخل بيت
وليس مطعم
مع شوية عصير وحلويات
والسكر تدخلي اي محل مش موجود غير أبو 55 جنيه
والأرز الكيلو ب 35 جنيه

يامدام لميس حرام تقلبي علي الناس الذكريات والمواجع
كان زمان ال 2000 دول ميزانية رمضان لأسرة كاملة وليس وجبة يوم
حافظوا علي مشاعر الغلابة
أنتي بتقدمي الفقرات دي لمين بالضبط؟!
وبعدين مفروض تعلموا الناس التقشف
وبعدين رمضان ليس شهر الأكل
وبعدين وبعدين
ولا خلاص مفيش بعدين

شهيرة النجار