عزومات رمضان هذا العام فاقت حد التعويم وناس خارج مربع المجتمع

كنت أظن
ولكن بعض الظن إثم ان بسبب حركة التعويم والغلاء الفاحش
والصفرين الذين وضعا أمام كل رقم والفرخة بريشها الكيلو بعد 8 جنيه بقت ب130 جنيه
والدنيا اللي فجأه راحت لثلاثين سنة أدام في خمسة أشهر
كنت أظن ان بسبب دا لن يجروء أحد علي الخروج من بيته لعزومات رمضان
ولا هيعزم ولا يتعزم

والحريم هتلم ايدها في ديفليه عباءات رمضان
لكن يا اخي
وجدت ان هذا العام
العزومات أكثر
والإنفاق أكثر
والصرف أكثر وأكثر

والخروج لتناول الإفطار في أماكن باهظة الثمن يتعدي ثمن الفرد ألف جنيه أكثر وأكثر وأكثر
وليسوا فرادي بل مجموعات
وناس عازمة بال500 فرد
اي ؟

دول كانوا معانا في التعويم؟!!
دول التعويم ماوصلش عندهم ؟!
دول اي
دول مين؟!!!

الحقيقة كنت لسنوات قليلة مضت انشر صور وموضوعات الإفطار والسحور لأهل الفن والمجتمع لكن توقفت عن المسألة دي منذ سنوات قليلة لأسباب
منها مستفزة

منها فيها تلميع لطبقات وأشخاص لايستحق الإنسان مجرد ذكر أسماءهم
لان الخارجين لعزومات في رمضان خارجين للدعاية والتصوير
وليس فكرة التجمع في رمضان

والحمد لله توقفت واعتقدت ان رمضان دا غير؟
طلع عزومات رمضان التي تكلف ميات الألوف هذا العام هي اللي غير
ناس مننا لكن مش مننا

والأغرب بقا تلاقي وجوه مكررة يومياً اما إفطار أو سحور وأحياناً أجد الشخصية من دول في سحورين معا تروح تجامل هنا وتطلع هناك ولا كأنه فرح ابن العمدة

مش عايزة أذكر أسماء ولن أذكر لان كله معروف
لكن الحقيقة شيء مستفز يخلي الإنسان يكلم نفسه
والأغرب بقا عزومات المليارديرات في بيوتهم
مش هوصف من كثرة مارايته من صور وحاجات ومحتاجات لان دا خارج العقل البشري يكفي أقول الأكل متقدم في سيرفيسات اي؟ وديكورات اي؟
وعزومات تعدي النصف مليون جنيه اي والله أقل حاجة
عزومات الفنادق والمطاعم الفاخرة شيء فاااااااق

طبعاً بهذا الشكل يحق لقيادتنا بما تراه من هذا البذخ ان جنيه البنزين والسولار وكافة شيء عادي

علي واحد من ألف من شريحة شعب طول رمضان بيصرف في عزومات أكل ولبس وهدايا وأنت رايح فوق المليون جنيه ميزانية دا اقله

و شايفين الناس فوق بعضها في المطاعم والعزومات
نسيبنا من عزومات أهل الفن
دي دعاية ومحسوبة من ميزانية الدعاية
اللقمة دعاية

شهيرة النجار