الخميس, فبراير 29, 2024
دفتر احوال مجتمع مصر

عندما نصف فرح بنت يس منصور يبقي غباء، يااااسين منصور بجوز بنته يامصر في مصر يبقي تواضع ابن خالته جوز ابنه زمان 7 ليالي بين سوريا ولبنان الليلة إسكندراني نحكي

شارك المقال

الفرح دا من كثرة مادته مش عارفه اكتبه إزاي. ومن انهي إتجاه


لكن اللي أقدر أقوله ان يس منصور سليل لطفي منصور


أكبر عائلة صناعية تجارية في مصر بلا منازع اسمهم علي كل حاجه في البيت والشارع منذ خمسينات القرن الماضي


لمع اسم العائلة أكثر بجواز. محمد منصور شقيق يس من بنت وزير شئون الرئاسة في عهد السادات بعد نصر أكتوبر واتفاقات كامب ديفيد والخير والانفتاح الإقتصادي


يس أكبر مشجعي النادي الاهلي
يس
يعني بالم هيلز
يعني هسيندا
يعني أوبل
شيفورليه
يعني ماكدونادز
حياه
يعني شان شاين تونه
يعني النقل الثقيل
يعني الأكل والشرب واللبن
يعني العقارات
يعني العربيات
صناعه وتجارة مصر
يعني كل حاجة كريمة الكريمة

ظلم نقول من حضر الفرح

ومن الغباء الصحفي حصر اسماء مدعوي الفرح لان باختصار شديد كل مشاهير الفن والسياسة والرياضة والإعلام الأحياء من كل اسم كبير جداً حاضر سواء مدعو من طرف والد العروس أو من طرف والدي العريس الذين أشهر حفلات مصر يقيمونها
أكبر كل شيء مهم هم أول مدعوه

والده العريس اتربت في بيت فن وسياسة كل مصر عند والدها من أول وردة لنبيلة عبيد لأسامة الباز لمصطفي الفقي وأنت طالع كبرت تزوجت ابن أكبر رجل أعمال هي وحيدة أبوها وهو وحيد أبوه تزوجت السلطة والقوة مع النفوذ والمال. كًونوا عالم آخر بالأوي يكفي قعداتهم أبسط ناس فيها نجمات فن صف أول وأنت طااالع يبقي أولادهم مين؟ مجتمع آخر وكميونتي لناس تتعد علي أصابع اليد ونادرا لما إثنين يتزوجوا قريبيبن مالياً واجتماعياً مع فارق مالي لكفة عن أخري. لكن شللهم واحدة وهسيندا والأفراح والسهرات والعزومات تشهد

مؤكد عمرو دياب ماخدش مليم لهذه الأسباب

مؤكد عمرو دياب دعي ليحي الزفاف ورفض يأخد مليم لان صديق يس منصور. وساكن في هسيندا عنده قبل ما يزعل وينقل من عام مراسي عند العبار


وعمرو انتيم والد العريس محمدفاروق مع فرج أباظة من زمااااان أوي ولا يفارقوا عمرو دياب في حفلاته من 25 سنة من دبي للكويت
تعالي يا عمرو نتعشي في دبي
حاضر يا محمد يلا بينا
عادي جداً

وكان معاهم أحمد أبو هشيمة لما كان لسه بيشتغل علي قده في طلبيات الحديد ماهو عرف هيفاء إزاي؟ من سهرة في دبي مع شلة عمرو دياب وأباظة ومحمد فاروق عشرة وعمر يا ناس


إزاي عمرو يأخذ فلوس علي فرح ابن صاحب عمره

العيلة


يس واحد من أربع اشقاء الكبير توفي أثر حادث شهير
ويس ومحمد الذي أصبح وزير نقل في عهد مبارك وحالياً مستشار. رئيس وزراء بريطانيا ويوسف والأخت الوحيده راوية
والجميع كبروا اسم وإمبراطورية والدهم لطفي أكبر. مصنع ومضارب قطن في تاريخ مصر قيل الإتجاه للتوكيلات التجارية

أولاد خالتهم


أولاد خالتهم هم عاكف وأمين وأحمد المغربي والأخير كان وزير السياحة ثم الإسكان في عهد مبارك
وابن شقيقه عاكف تزوج من بنت رشيد محمد رشيد في عز مجد وزارة مبارك وكان فرح القرن ما بين سوريا وبيروت
يعني تشابكات مالية وعائلية وتجارية

واحدة من أكبر 6 عائلات مالية سكندرية حكمت تجارة واقتصاد مصر


وعائلة منصور واحدة من الرعيل الأول الأشهر الذي اشتهر بالتجارة والصناعه في إسكندرية ومنها لمصر كلها والعالم مع عائلات زهران وان كان نجم عائلة زهران التجاري أفل كثيراً ورشيد محمد رشيد
والثالث النجار والرابع محمد رجب و طلعت مصطفي
يليهم جاءت أسماء مالية كبري أخري بعد عقود
نبقي نحكي فيها لإن كثير أوي


لكن العائلات دي هي الأكبر والأول والأشهر ولو ركزت ستجد أن ثلثي إقتصاد. ومقاولات وتجارة وبيزنس مصر معاهم
بعدهم أيضا يأتي أسماء عائلات صنعت نفسها بذراعها هنحكي عنها

منصور يا ناس


يعني لما تكون من جيل السبعينات وفاكر التلفزيون الأبيض والأسود مؤكد ستتذكر إعلانات. شيفروليه ودائما تلاقي كل فيلم مشاركة فيه اسعاد يونس وقتها فيه إعلان للعيلة دي
كانت واعية من يومها

العريس ابن نفين إبراهيم سعدة ومحمد فاروق عبد المنعم

والعريس ابن أشهر كوبل في مصر نفين إبراهيم سعدة ومحمد فاروق عبدالمنعم جد العريس لوالدته . واحد من أشهر صحفيو مصر ولوالده
أشهر رجل أعمال صاحب موبيكا الله يرحمه
وشريك في مشروع انطونيادس الكبير بتاع العمارات والمدرسة مع أحمد الوكيل ومرعي وخالد أبو إسماعيل

بصوا
الفرح دا تحس إنه مهرجان القاهرة. والجونة ومؤتمر كبيييير دي
عيلة منصور. ويس منصور يا بشر يعني قاااااااااد كدا هوه فلما أقول الفرح كلف كام يبقي عبط
ولما أقول كان فين ؟ طبعاً في مربع من كلوب بالم هيلز التي يملكها يس منصور
والتي يسكن فيها اكاااابر مصر مالياً وفنا وتجارة مش أي حد هيروح يشتري عندهم. أقله ب100 مليون
ولما أقول الأكل
وفستان العروس أبقي خرفت
لإن العروس ممكن تستحضر مصممم أكبر دار أزياء بالعالم لحد البيت يعمل لها الفستان بدون مبالغة
بيوتهم في كل مدينة في أي دولة بالعالم
تجارتهم من البحر للمحيط
يبقي نقول كان ايه؟
طبعا تصنيف الفرح من حيث الضخامة يشابه فرح ابن هشام طلعت مصطفي في 2018

مصر الشهيرة كلها كانت هناك. فن
سياسة
مال
إعلام غالبية مصر بتحلم تشتغل عنده ومعاه
من تحت العماله في محلاتهم وأنت طالع مديرين فروع
أطلع مهندسين في مقاولاتهم
لفوق محاسبين لشركاتهم
فنانين. إعلانات لهم
وأمن لشركاتهم
وتجار يأخذوا منهم توكيلات
وتجار تورد لهم. حديد وطوب وخشب ولحمة وعصير
يعني. هما هما فلما يكون الفرح كدا


عادي جدا وبسيط كمان وأبسط من البساطة نوادي عندهم
مطاعم عندهم
مصانع عندهم
مش عارفه أكتبها إزاي
حتي الكتاب الكبااااار آوي آوي بتوع الأدب والحاجات المجعلصة بالأوي عندهم


كافة شيء يا مؤمن ممكن يشتغل عندهم ممكن
بس هو كدا متواضع قسما بالله ولما يبكي وهو يراقص ابنته. دا عادي شعور الإنسان السوي
كل اللي يحبوا أولادهم وبناتهم كدا
رغم الانشغال
رغم إيه وأيه
لكن فيه لحظه معينة كدا بتكون لحظة العمر
ربنا يفرح الجميع
ونحكي لكم عن فرحين أيضاً لعائلتين سكندريتين الأسبوع القادم من العائلات الست
ومن الجيل الثاني لسلسلة التايكونات المالية بإسكندرية

نفين ابراهيم سعده والدة العريس

شهيرة النجار

وسوم

Welcome to حكايات شهيرة النجار

Install
×
error: تحذير: غير مسموح بالنسخ