ظللت رغم مابي أبحث عن الحوار الخاص بالدكتور مصطفي الفقي لأسمعه كاملاً
كااارثي بالمعني الحرفي
خوض في أعراض علنا وبأسماء ونبش في قبور أموات
طوال حياتي المهنية يتوقف قلمي عن التشهير العلني في أعراض أموات
أو إدارة معركة مع طرف فقد سلطته
أو طرف لا يملك قدرة الدفاع عن نفسه
رغم التصاق صفة صحفيّة الفضائح دي علي مدار سنين بي
لان الناس لا تحب الحقيقة
ولا تحب ان يقترب أحد ممن يطلقون علي أنفسهم فوق مستوي الكلام
لكن الحقيقة الدكتور مصطفي الفقي فاق كل حد وكل كلام
ناس في دار الحق مثل
ليلي مراد
يقول انها كانت مصاحبة وجيه أباظة مش جواز وان عبد الناصر لما عرف قال له يا وجيه أنت من الضباط الأحرار وما يصحش دا
يا تجوزها يا تيسبها؟
المذيع يسأله: يعني ابنها منه من غير جواز؟
الفقي يرد خلاص بقا عموماً هو أخد اسم أبوه وأخواته راضوه واسمه كذا
ياشيخ حرام عليك ولو حقيقي ليه بعد العمر دا تفضحها وتشهر بها وبابنها وبالرجل ؟
هو ذاته في الحوار أعترف أنّ عائلة أباظة زعلت منه وعاتبوه لما كتب دا في مذكراته قبلا تقوم تقوله صوت وصورة؟!!!!
أم كلثوم
تلميحك انها أعجبت ببنت اسمها كذا وقالت لها ابقي تعالي زورينا في مصر لانها قابلتها في لندن ويقول للمذيع في تلميح فج انها…..
سيبك من أنك قلت انها من مواليد 1898 وواكلة 10 سنين من عمرها وكاتبة انها من مواليد 1908
وبررت ان كل الستات بتحب تصغر نفسها
لكن أنت بتتهمها بالتزوير كدا
دا غير التهمة الأخري الكارثية
سعاد حسني
روايتك ان جهاز صلاح نصر زق عليها ضابط حلو وأقام معها علاقة ثم قال لها هوريكي حاجة حلوة وطلعت فيديو للعلاقة دي
وانه قال لها عشان نضغط عليكي تيجي ل…..
ردت وهي منهارة كنت قول من الأول هو حد يقدر يقول لكم لاء!!!
وراحت
هتروح تقول لربنا اي؟!!
عمر الشريف
رويت انه روي لك ان جهاز الدولة استعمله يوقع بنضال الأشقر حتي يصلوا لعنوان والدها
وان عمر نفذ ذلك لكن ضميره صحي لما وجد البنت طيبة واعترف لها وحذرها
ياسلام!!!
احنا سمعنا يا دكتور مصطفي اشاعه بتقول ان نبش القبور دا كان ثمنه 2 مليون دولار
فهل هذا صحيح؟
ولو مش صحيح استفادت اي غير إنهاء تاريخك الدبلوماسي بهذه ال..
ولو صحيح هتاخدهم معاك أمام الواحد الديان وتقول له كنت مزنوق في ال 2 مليون دولار دول؟
لا إله إلا الله وهل يكب الناس في النار علي وجوههم
إلا حصائد ألسنتهم
صدق رسول الله صلي الله عليه وسلم
شهيرة النجار
and then