موضة سخيفة ودعاية اسخف حفل لافتتاح عرض مسلسل كيف تستجدي مشاهدا وفي فمك سيجار!!

من الأشياء التي أصبحت وسيلة دعاية سخيفة تنتهجها شركات إنتاج المسلسلات التي تعرض في منصات مثل شاهد وأمازون والحاجات دي

أنهم يقومون بعمل دعاية لعرض المسلسل بحفل كبير في قاعة في فندق وكيك وصور وأبطال العرض وبوسترات وبلغ كل الصحف الورقية والإلكترونية يا جدع
وغرق السوشيال ميديا

واعمل بوستات من جمل الممثلين للجذب في كل منصة ماتخليش
أطلع لهم من الحنفية أصرف ما يهمكش

هات عيلين بعملوا بوسترات بألفين جنيه يعملوا كام بانر وارميهم في السوشيال ميديا
المهم تحاصرهم
اي احنا رخصنا أوي كدا. ؟؟
وبتشحتوا المتفرج؟
طب بتتنططوا علي خلق الله ليه؟

فين أيام الدعاية الجميلة سهير شلبي تدخل الاستوديو والممثلين بيصوروا المسلسل من دول وحوارين ثلاثة والكل بفرح المشاهد والأبطال
وكل الناس بتعرف ماهو لازم يعرفوا
دينا!!!

كان زمان إعلان عن تصوير مسلسل دا إذا حدث يعني ودمتم
تطور الأمر وأصبح أول يوم تصوير ذبح عجل

تطور أصبح أول يوم تصوير كيكة علي اسم العمل وكل الكاست حولها وممكن يدلعوا بطلة العمل أو المنتج زوجها ويبقي اسمها وصورتها علي الكيكة بفلوس جوزها بقا

تطور بقا كل مشهد يتم تصويره يتعمل له مؤتمر وخبر
وعلي رأي المثل… لا بلاش

شهيرة النجار