الأربعاء, فبراير 28, 2024
دفتر احوال مجتمع مصر

يعنى دى اسمها سمكة بلطي حلو كدا يافندم

شارك المقال

..
سمكة غلبانه عايشة فى النيل ملهاش أى طلبات ومطامع غذائية ..بتاكل من خشاش النيل
.. ليه يا ناس كيلو البلطي الوسط ب 85_90 جنيه .. دا من غير شوي عليه 10 جنيه للكيلو و20 جنيه لو مقلي. و30 جنيه لو سنجاري ليه بجد والله؟
دا غير التحابيش خضار للسلطه وعيش أو أرز
كل دا بلطي أكل الغلابة
المياس والدنيس عدي ال300 جنيه
والأروص مزارع ب400 نييء
ما جبناش سيرة الجمبري ولا السبيط استغفر الله

..
هل السمكة غيرت نظامها الغذائي وبقت بتاكل جاتوه وكرواسون مثلا!..
هل غيرت محل سكنها وراحت كومباوند فى الساحل الشمالى؟! .
ماهو عاوزة أعرف بجد وخصوصاً إحنا فى موسم صيد سمك عادى … وماتقوليش مزارع الله يكرمك أنا بتكلم على السمك اللى كل شويه يتقال أنه نيلى … عاوز أفهم هو غير نمط الغذاء وبقى ياكل جمبرى ولا ايه بس علشان نفهم

شهيرة النجار

وسوم

Welcome to حكايات شهيرة النجار

Install
×
error: تحذير: غير مسموح بالنسخ