بعد ساعات من اشتغال السوشيال ميديا بموضوع أحمد سعد ومتعهدة الحفلات التونسية والذي عدت فيه لمتخصصي المهنة فقال لي المخرج الكبير أشرف فايق
أن أحمد لم يخطئ والمتعهدة ضحكت عليه
لإن لما متعهد بيتفق مع مطرب علي إحياء حفل بيكون له أجر
ولما يكون فيه إتفاق إن المطرب يعمل مؤتمر صحفي أو حوارات بعدها بيكون لها أجر آخر
دا عرف السوق وكله ماشي علي كدا
فحصل أن سعد كان اتفاقه يغني ويروح الفندق
مقلب حرامية
المتعهدة عملت بالبلدي له مقلب حرامية جمعت المحطات تسجل معاه بعد نزوله من المسرح
هو أخذ بعضه وراح الفندق
هي جمعتهم له في الفندق عشان قابضة ثمن دا راح الفندق وجدهم منتظرينه في الريسبشن
دخلوا عليه ولأن هو أمام الجميع تكلم بكل ذوق وشكر أهل تونس ودمتم
ورفض يجري حوارات لإن مفيش إتفاق علي كدا
قوم الست حبت تحرجه عملت إي ؟؟
قالت له علي الهوا أنت قابض80 ألف دولار علي الحفلة دي
أوبا
سعد قال لها اسكتي لان طبعاً موضوع السعر دا بيفتح فواتيح كبيرة
ضرائب
وبعدين ممكن يكون بيروح الخليج بأكثر من كدا
أو.. أو لإن السعر دا ممكن يطلع وينزل فيه وممكن كمان يروح فرح مجاملة لحد معرفة ودا حصل من 5 سنين حضر فرح لابن صديق لي أنا حضرت الفرح دا ببلاش مجاملة لان ابن عم العريس صديقه فالحقيقة جه مجاملة ودي لفته حلوة وغني بلاي باك عشان يوفر ثمن الفرقة لان دي لوحدها سعر ونقل وترخيص وهيلمان كبير
ولأن سعد أصبح المطرب الأكثر طلبا الآن في الأفراح وحفلات داخل وخارج مصر
وماشاء الله إعلانات مالية الشوارع و..
الله أكبر
فالأمر دا خلاه مالياً عدي بالزاف
هو الحقيقة لم يخطيء
المتعهدة حبت تعلي عليه
ونرجع لسعد حديث السوشيال ميديا بعد القميص الشفتشي اللي اتلبس في حفل السعودية ومن بعدها مش عارف يلاقي وقت حتي ينام من الحفلات الله أكبر
رجع علي مصر يحي حفل زفاف أخت الفنان فتحي عبد الوهاب
مبرووك يانجم
شهيرة النجار
and then