لحم بالذهب آخر افتكاسات مطاعم دبي القطعةب 1200 دولار يا بلاش

نشر الدكتور أسامة شوقي الاستاذ بكلية طب القصر العيني عبر حسابه الخاص بالفيس بوك تجربته في آخر سفرية
كتب

الاستفزاز بعينه
الآن في أحد دول العالم..

قاعد في المطعم في حالي و يا دوب طلبت طبق سلطه و عيش توست و عصير برتقال.

لقيت الترابيزه اللي جنبي عاملين زمبليطه و هيصه اثناء تقديم العشاء بتاعهم..

و الجرسونات عاملين شغلانه و مراسم خاصه لجل تقديم طبق حته ستيك لحمه..

شدني الفضول و سألت الواد الجرسون ؟ هو ايه الموضوع؟

رد قال لي ؛

• دي مراسم مخصوص لتقديم توماهوك ستيك جولد..

أنا عارف طبعاً توماهوك و هي بتكون زي قطعه ضلع كبيره، حوالي كيلو و زياده و ثمنها بيكون في المطاعم عموماً في حدود ٥٠ – ٨٠ دولار..

بس مفهمتش ايه معني جولد ؟

الجرسون شرح لي ان جولد دي بتكون قطعه اللحمه مشويه و ملفوفه في ورق الذهب ..
افتكاسه يعني

سألته،

• و دي تمنها كام يا بلدينا؟..

رد بمنتهي الادب ؛

• من ٧٠٠ الي ١٢٠٠ دولار

ضربتها في دماغي حولت السعر بالمصري .. يرحت شويه ثم بلعت ريقي و التفت لحالي أكمل طبق السلطه الخضرا..

و مالها يعني السلطه الخضرا ياخويا
ما هي حلوه اهي بزيت الزيتون و العيش التوست المقرمش..
والحقيقة الدكتور أسامة لم يفصح عن اسم الدولة ولا عن اسم المطعم
ولكن بالبحث تبين انها تقدم في مطاعم دبي منذ سنوات
بل انهم يقدمون الآيس كريم بقطع الذهب أيضاً تصل البولا الواحدة ل 700 دولار
قال ايه بيشفي من الأمراض ويزيد المناعة
بس يا ترى عيار اي ؟!!!

شهيرة النجار