في عيد ميلاده اليوم نحتفل به بحكاية لطيفة حكاها.
عادل امام
يقول
مرة المنتج واصف فايز كان خسر كل فلوسه في السينما ، فـ جالي وهو معاه آخر عشر آلاف جنيه .. ساعتها كنت أنا متخـلـق مع محمد عبدالعزيز المخرج .. وكان أي فيلم يجيلي مكتوب عليه محمد عبدالعزيز أرفضه ، فـ جالي المنتج واصف فايز وقالي “أنا معايا سيناريو بس اللي جايبهولي محمد عبدالعزيز” .. أنا لسة كنت هاديهوله بس قُلت لنفسي طيب يا واد ما تقراه ، كان الفيلم اللي بقول فيه لـ نورا عايزين نشرب شاي “غاوي مشـاكـل” ..
لما قريته عجبني الدور وعجبني الفيلم ، محمد عبدالعزيز صديقي وأكثر مخرج عملت معاه أفلام حوالي 18 فيلم ، فـ كلمني وقالي يا عادل ماتخليش الناس تشمت فينا وكده ، أنا قُلت لـ نفسي يا واد خليك عاقل واحترم نفسك واعمل الفيلم ، وعملت الفيلم .. الفيلم ده جاب للمنتج فلوس كتير أوي .. فبعد كده أي سيناريو يجيله سواء كوميدي أو مش كوميدي يقول هاديه لـ عادل إمام ، حد يبعت “المشبوه” لـ عادل إمام ! .. ده راجــل مش طبيعي ، المشبوه ده مش كوميديان اللي يعمله
شهيرة النجار
and then