تحدث الفنان قيس عبد الفتاح، عن علاقته بالفنانة الراحلة زبيدة ثروت، لافتا إلى أنها كانت مثقفة جدا.
قال “عبد الفتاح“ خلال لقائه مع مفيدة شيحة، وسهير جودة، في برنامج “الستات“، المذاع عبر قناة “النهار“: “زبيدة عملت معايا مسرحية (عائلة سعيدة جدا) وكان عندي جملة بتقول (وقد كانت عيناها سوداوان) وفي ليلة من الليالي قولت للأستاذ السيد بدير (وقد كانت عيناها خُضر زي زبيدة ثروت) فالصالة هاجت وقتها“.
أضاف: “كنت مسميها زبدة وهي كان اسمها حتة زبدة لأن كان ليها توأم اسمها حكمت.. حبيبتي الله يرحمها كانت فنانة كبيرة وكانت بتحبني وأنا كنت بحبها لدرجة أنها كانت هتجبلي المأذون الساعة 3 الصبح بس ساعتها كنت متجوز مخرجة في إذاعة الشرق الأوسط، وهي وقتها عملت ثورة وراحت أتجوزت عمر ناجي واطلقوا بعد 10 أيام“.
أردف: “زبدة كانت صعبة شوية وكانت غيورة جدا، في مرة كنا قاعدين في الشيراتون بتاع المطار وكان في معجبة كويتية بتبصلي فرمت عليا الكاسة اللي في ايدها.. أنا حبتها جدا ونزلت معاها القبر لما توفت، الستات دول ما يتعوضوش“.
“نزلت معاها القـ ـبر”.. قيس عبدالفتاح: أنا وزبيدة ثروت كنا بنحب بعض جدا وكانت هتجيبلي المأذون الفجر ولكن كانت صدمتها إني اتجوزت وراحت هي كما اتجوزت
شهيرة النجار
and then