من مذكراتي علي هامش الأفراح حته كدا كهارب تودي تحت الشمس يا ورا الشمس ووصفة كيف تكون سمسار فنانين لناس مش مفهومين

حدث في 2000

آه متأكدة ان الفنانين بيتاجروا عشان يحضروا افراح
مش عارفين صحابها وكل فنان أو فنانه علي حسب تقلهم
كانهم رايحين سهرة والناس تدلعهم وينزلوا فيديوهات وياخدوا فلوس بالعبيط ويتعشوا ايوا يتعشوا زي عزيزه الماظية كدا في خلي بالك من زوزو
ماهي دي شغلانه برضك
الحضور دا شغلانه
تسييل الشهرة لفلوس لناس عايزه …
أول ما عرفت القصه دي كانت صدفه وعرفت بعدها سماسره الوسط فيها وبقيت القح عليهم لانهم نجوم بس تقال وسلطان ونفوذ وهيمنه اوووومال
الصغيرين دول بيلعبوا في مناخرهم بفكة

اللي بياخدوا المشاهير من أهل الفن سواء قدامي
جدد للأفراح لافتتاح مستشفي خاص
مطعم
طهور
ميلاد معرض موبيليا
هدوم
اي حاجة دايسيين المهم
الاوبيج والعشا والعربيه

والليله دوبل لو برا القاهره
ومعها عربيه وفندق
القصة دي كتبت فيها كتيييييير جدا
أول واحد استغلني وقفشته كان اسمه … شقيق أحد مساعدي عمرو دياب
كلمني في الألفية الأولي
أنا اخو فلان اهلا
عندي فرح جامد تحبي تنشري صوره؟
آه
كان فرح ابن تاجر حديد مرت الأيام وبقا عضو مجلس إدارة نادي شهييير جداً
فرحت بالصور فيها نص مطربي وفناني مصر واخترت كام صوره ونشرت الفرح
ساعه بعد النشر بالعدد لقيت اخينا بكلمني بنبره حدة

فين بقيه الصور وايهاب توفيق يبوس العريس؟!!
ايهاب ببوس العريس؟!!!
مانشًرتهاش
وأنت إزاي تكلمني كدا أنا شغاله عندك؟
مفروض تشكرني ان جاملت لك ناس ونشرت لك في أهم صفحة بمصر أنت أجننت!!!؟؟؟
هو أنت واخد فلوس؟
الكلمه قلتها كدا صدفه
وإذ به بكل أريحيه يقول آه
آه؟! يخرب بيتك
واستغلتني؟
آه
فلوس عشان انشر ؟
لا باكدج
باكدج اي؟
قال أنا جايب الفنانين دول يحضروا الفرح بفلوس عشان يبان ان العريس بعرفهم وسط كار المعلمين والسوق وكل واحد اللي خد 5 تلاف واللي خد 10 تلاف دا كان من 22 سنه كدا
حسب شهرته واسمه
ولو طلع سلم علي العريس وحياه ياخد اكتر
أنت بتكلم جد؟
آه وأنا؟
انتي من ضمن الباكدج
نشر عندك
أنا خدمتك ان اديتك صور مليتي بها صفحتك!!
تاني عدد فرجت عليه خلقه
لكن متعودة بكل أسف اشتهر وبقا يطلب أكثر تخيلوا !!!🙈🙈

دااايما
كلمت اخوه
عاتشي
وطلع ان الفكرة دي ظهرت من 25 سنه
وكبار قادتها معروفين بالوسط اسمهم سماسرة الفنانين
وغالبا بيكون في الاجنده
فنان افل نجمه غالباً بروح أصلا ببلاش مش فلوس كمان ويتصور ويأكل ويشرب
علي نجم كبير
علي حد مفضوح جديد في تريند
ما المفضوحين دول بيدفع فيهم فلوس بالعبيط
واتعشت
ولا ضرائب
ولا يحزنون واحنا أصحاب العريس
يلا بنخدم الضرائب اهه بدل ماهم …. البلد غلبان في عاطل
ومعرفش ليه تجار الحديد يحبوا يأجروا فنانين
آه وكتاب الله العظيم
برااااااهيم
اللي مالوش صحاب في الفن
براااهيم يجيب له
وشووووبش
وبس واي

الوسط مليان سيدات مجتمع الان بتتعرف علي مشاهير
افراح
فنانين
فنانات
مذيعين
مذيعات
المهم معاك اجندة وعلاقات؟؟؟

طيب عايز تشتغل الشغلانه دي
؟!!

لمهم في رمضان
فطرهم وسحرهم
ازاي؟
مايعرفونيش ؟
البد لهم في اماكن خروجهم
والبد لحد يعرفهم يعرفك بيهم
وبعدين خد تليفوناتهم
ابعت هدايا في رأس السنة

ماتخافش هتلم تمنها أضعاف

هات هديه في عيد ميلاد أحدهم
هديه تعارف
البس زاكته مفتخرة
رولكس مضروبه
روح أشرب لك كاسين في مكان هم فيه
أو بص
اطلع الساحل
اجر جنبهم
ادفع
ماتخافش هتلم فلوسك
هات قرض من البنك
اجر بيه
ما دا مشروع برضك وعايز مصاريف
اجر والبس وأسهر وخد نمرهم وياسلام لو ربنا حبك ورحت علي جمبوا
وانعزمنت بعدها في حفله من الخمس حفلات كبار لأصحاب البيوت المليارديرية

تبقي عديت يامعلم
تخلص الصيف وتبدا شغل
طهور
عيد ميلاد
افراح
وماتنساش تشبك في كام عيل مصوراتي يصيتوك بملمين
ماتستخسرش
هتجبر
صدقني
ولزوم الشيء متعهدي الحفلات
وبتوع الديكور
علي ورد علي كاترنتج يحطوك
في الباكدج أو يرشحوك لأصحاب المناسبة
وبس يا سيدي
ادعي لي
هتنافس فلان وعلان
وترتان
وتجبر وتشتهر وتأكل الشهد
اقصد الماظيه
أنت وهما هوبر
هوبر

كهارب الفرح

اومال يعني المناسبة من دول يتصرف فيها :

أكل وشرب وفندق ولبس ملايين ومفيش جليتر يلمع الليله وكهارب؟!!!!!

آه المشاهير دول جليتر وكهارب الليلة بيلعلعطوا كدا الدنيا ويودوا المناسبة في حته تانيه

يايودوا صاحبها ورا الشمس
ياتحت الشمش اتنين شين مقصوده مش غلطه املائيه 😁

اسمع مني اومال اديك ألف مليار مثال😉😉😉😉😉

🌹👌
أنا الملهمة في روايه أحدهم
وأنا اللي كشفاهم في روايه أحدهم
وأنا اللي عايزة اولع فيهم في روايه أحدهم
وبس 😂😂😂ملاحظه هامة اللي يلاقي غلطه املائيه ينبهني كاتبه من غير نظاره 😂

شهيرة النجار