أخى الجميل وصديقى الجدع وإبنى الغالى .. المخرج الرائع محمد سامى هكذا كتبت إلهام شاهين معقده علي صورها معه لتدعمه واللي مش عاجبه المسلسل لازم ياخد كورس في أسباب تقديم الشر لتعليم الخير

نشرت إلهام شاهين عبر حساباتها الشخصية تصوراً تجمعها بالمخرج محمد سامي واختها إيناس وكتبت
أخي وصديقي وابني الغالي

سعدت جداً جداً بالعمل معك فى مسلسل سيد الناس .. شكراً لإختيارى فى دور جديد مختلف تماماً بالنسبه لى .. شخصية إعتماد الهوارى علامه مميزة لها بصمتها فى مسيرتى الفنية .. صحيح إنها شخصيه مستفزة و حاقده و غلاويه وشريرة وشلق وصوتها عالى و مزعجه .. وهذا هو التحدى .. تقديمى فى دور يعتبر مغامرة .. وقد تفاجأ به الجمهور .. وطبعاً إعتماد لازم تتكره .. و أعتبر ده نجاح لتقديمى للشخصية .. أنا بشكرك على مجهودك وتعبك وإهتمامك بكل التفاصيل ..

و أنا شاهده على المجهود الجبار لتجهيز العمل فى موعده .. وإنك كنت لا تنام أكتر من ساعتين تلاته .. وباقى اليوم شغل بلا لحظة هدوء أو راحه .. و أكيد إنت محتاج لأجازة وهدنه تلتقط فيها أنفاسك .. وأنا واثقه إنك ستعود لنا بعدها بعمل جديد و قوى لأنك تعودت على النجاح الكبير .. و ماشاء الله أعمالك هى الأكثر مشاهده فى رمضان .. ترتيبهم الأول و الثانى على منصة شاهد سواء على مستوى مصر أو على مستوى العالم .. أتمنى لك النجاح و التألق دائما .. وحقيقى من كل قلبى هتوحشنى جداً فنياً و إنسانياً .. وفى إنتظارك قريباً يا فنان يا جميل .. وربنا يجمعنا دايما على كل خير .

شهيرة النجار