مش ملاحقة توابع منذ أمس علي تصريح بيومي فؤاد عن محمد سلام
لكن أشد ما توقفت عنده تعليق ناري
الحياة بتنعاش مرة واحدة
يا تعيشها محمد سلام
يا تعيشها بيومي فوأد
مش لاقيه كلام بعد كدا الحقيقة
أصبح سلام تاريخ وتراث وماركة مسجلة للوطنية والجدعنة رمز
سلام خسر 80 ألف دولار
لكن كسب 80 ألف سنة سمعة وسيرة
والإنسان سيرة والله
والسيرة أطول من العمر
من التوابع
بوستر كبير يضم المنتجات ذات العلامات التجارية بمصر ومعها صورة بيومي فؤاد
وصورة مذيع
والحقيقة الصورة ظالمة لان مفروض تتسع وتلم كل اللي تخلي عن إنسانيته وراح عشان شوية دولارات يغني وأهل غزة بستشهدوا
ويتصفوا!!! أو اللي بيمرر أفكار سامة
أو صور تجار ورجال أعمال ماعندهمش دم وكل همهم رصيد البنك بقا كام
ولازم الصور تضم عصابات التكتلات برضك
كافيه بيومي؟!!!
من الأشياء التي أظهرها تصريح عم بيومي ان له كافيه الحقيقة المعلومة دي كانت غايبة عني معلهش
والكافية من سنة 2020 مفتوح يعني من قبل ما يفكر أشرف عبد الباقي يعمل سلاسل مطاعمه وربما كان بيومي الملهم
كاملة المكملة أزالت عنا جميعاً الحرج وقامت بالواجب
المخرجة كاملة أبو ذكري الحقيقة لخصت ما يود الجميع قوله ولكن كتبته علي صفحتها الشخصية
الأستاذ الفنان اللي كنت واحدة من محبيه.. لو حضرتك فاكر أنك لما تعمل عمل اتحضر واتكتب واتنفذ في تلات أيام.. وتروح تعرضه وترقص وتغني وتضحك وبعد كده تاخد آلاف الدولارات.. لو ده بتسميه فن فأنا لا يشرفني إني أكون زميلة لك في هذه المهنة”.
حمادة إسماعيل مدير أعمال عمرو دياب وترك يرد في محطة ترك عند مذيع ترك
النكتة بقا كأنما الناس مش فاهمة
ان حمادة إسماعيل مدير أعمال عمرو دياب
وأصبح مدير أعمال ترك الشيخ
رد علي انتقادات كاملة أبو ذكري عن بيومي فؤاد في قناة ترك الشيخ
قال فيه حماده وهل أصبحت السعودية مثل. …إسرائيل
معقبا ما يقدم لنا بالسعودية كتير
لا تعليق
هو فعلاً كتير
وكدا كاملة لم تخطيء
وان بيومي عشان دولارات أهان ابن بلده وان ما يقدم بالسعودية جعله يهين سلام الذي لم يهن أحد ولا تقول عليه ولا علي غيره
شهيرة النجار
