بدأ العد التنازلى لفوازير رمضان فريش ٢٠٢٤

بعد غياب سنين من آخر محاولة لإعادة إحياء فوازير رمضان، أعلنت شركة فريش عن تقديمها الفوازير بدأ من يوم ١٠ رمضان.

كما دون الملحن والشاعر المهندس الفنان عزيز الشافعى ان “تجربة الفوازير كانت تجربة ممتعة جدا”.

وكتبت مواقع كثيرة عن عزيز الشافعى انه “يكتسح السباق الرمضاني لهذا العام ويتصدر الترند حيث حقق نجاحًا باهرًا في عدد من الأعمال التلفزيونية البارزة. واستطاع أن يضفي لمسة فنية رائعة على هذه الأعمال الفنية، مما جعلها تلفت انتباه المشاهدين وتترك أثرًا قويًا في قلوبهم. ويعتبر واحدًا من أبرز المواهب الفنية في مجال الموسيقى والشعر في الوطن العربي، استطاع أن يحقق شهرة واسعة بفضل مواهبه المتعددة وقدرته على التعبير الفني العميق ومشاركته في إعلانات شهر رمضان ٢٠٢٤ خطوة مهمة في مسيرته الفنية، حيث قدم أعمالًا فنية استثنائية تجمع بين الموسيقى والشعر.”

وقبل بدإ إنطلاق الفوازير إخترت لكم من أعماله هذا العام:

تتر مسلسل صدفة
كلمات وألحان عزيز الشافعى
توزيع نادر حمدى
غناء مسلم وأوكا وريهام حجاج
الليلة حظ وصدف..
نوره غطى النجف..
لا الوضع اختلف..
يا محاسن الصدف..
قدامي اسمك في الكلام بينط..
عندي تاريخك اعتبرني هيرودوت..
كمل فرار أنت فار وأنا قط..
تحط الحصار مهما تفط تنط..
تفط تنط- تفط تنط.
معرفتنيش وأنا لابسة الماسك..
أديك عيوني يا حبيبى
 just ask..
homework done 
بخلص task..
فلوس حاضره ولا إيلون ماسك
اتقابلنا فين وليه؟ بالصدفة..
أحلى صدفة ولا إيه؟ بالصدفة..
خط مشيتك عليه مش صدفة..
ما تيجي test ال DNA
شربوني حاجة عنبي..
سمعوني حاجة عزبي..
الواد ده نوتي شكله لعبي..
لو هو علمي هاقل أدبي..
صدفة تجيبك فوق
صدفة تأخذك تحت..
اصحى لو ريحت
ركز لو سمحت
صدفة تديك طراوه
صدفة تعورك واوا
براوه عليك براوه
تنحت فاتفسحت
معرفتنيش وأنا ضاربة الـ look.. مولعاها نار على الـ TikTok
أنا فاعل وأنت آخرك لوك لوك..
رغاي شوية؟ آه.. طيب فك.

وإعلان فريش
ألحان عزيز الشافعى
وكلمات أيمن بهجت قمر
غناء روبي و دينا الشربيني
احنا اللي فرفشنا اللي ماتفرفش،
واحنا اللي دلعنا اللي مادلعش،
اسمع الأخبار فريش
اش اش اش اش
الجديد لانج وشديد
اش اش اش اش
جامد آخر حاجة وش
اش اش اش اش أنا فريش
اش اش اش اش أنا فريش

بيقولوا سمعنا كلام تراطيش
رفرشنا يا ناس وخلاص هنعيش
بس أنتوا تسيبوا الباقي علينا
واللي بيعرفنا بيستلطفنا وما يبوزش
انزلي بمزيكا لذيذة
قول للجودلاك خطوة عزيزة
وحياتكم بقى الجاي مالوش زي
نتسلى انما مش زي اللب
مانتأزأش
اسمع الأخبار فريش
اش اش اش اش
الجديد لانج وشديد
اش اش اش اش
جامد آخر حاجة وش
اش اش اش اش
اش اش اش اش أنا فريش
اش اش اش اش أنا فريش.

وها نحن فى إنتظار الفوازير.

شهيرة النجار