رفاهية في غير وقتها بلاش استفزاز كوسة صفراء وباذنجان كوبي أبيض وقرنبيط بربل ايه أحنا أغنياء أوي كدا

لاشك أن الله خلق الناس طبقات وكل منا له ظروف مختلفة ماليا واجتماعيًا عن الآخر
ناس بتعيش في قصور وآخرين في قبور
ناس راكبة لامبورجيني وناس راكبة حمير
ناس ترتدي من بوس وناس مش لاقية التيل نادية
ناس تشتري شبكة بملايين وناس زواجها متعطل علي 500 جنيه
ناس بترسل أولادها يعيشوا في لندن وأمريكا يتعلموا ويقيموا ويشتروا لهم قصور وناس مش عارفة تدفع مصاريف مدارس الحكومة لأولادها
ناس بتصيف في كان واليونان أو تشتري بالعمارة كاملة في مراسي ولكل عيل فيلا هناك
وناس متعرفش الفرق بين الصيف من الشتاء إلا من خلال التقلبات الجوية

ناس وناس وبين هؤلاء وهؤلاء طبقات وطبقات
المقدمة دي لسبب بسيط إنك لما تروح السوبر ماركت تلاقي منتجات ليك ومنتجات غير متاحة ماليا أصلا ليك أو ممكن تكون متاحة ماليا لك لكن رفاهية تافهة وربنا هيحاسبك عليها

الهايبر ماركت غيرت سلوكيات المصريين

منذ ظهور الهايبر ماركت في مصر بشكل واسع آخر 20 سنة وجدنا كافة شيء موجود
والأكثر كل الخضروات والفاكهة من كل الدنيا
زادت شويا فأصبح كل خضروات الرفاهية وأظن ناس كتير فاهمة وعارفة دا
الجرجير الآيه علي الاسبارجس مع الماشروم والزعتر الأخضر الطازج علي الريحان علي الروز ماري حتي أصبحت سلع عادية في غالبية المطابخ المصرية
شويا وغالبية هذه الخضروات علي فواكة عمرنا ما سمعنا عنها من 20 سنة أصبحت تزوع في مصر
كويس ليها جمهور ومكسبها كبير والفنادق والمطاعم. تقبل علي شراءها

لكن تصل الرفاهية إن تزرع كوسة الاسم كوسةو الشكل. كوسة واللون لقرع العسل ؟!
قرنبيط شكلا واللون بنجر
الباذنجان الكوبي المصري المعروف واللون للباذنجان الأبيض بتاع المحاشي
وطماطم شكلا والطعم فلفل وفلفل علي شكل حبة طماطم شيري وأشياء كثيرة من هذا النوع
ومكتوب علي واحدة الكوسة 50 حنيه
نعم. مش بكتب غلط!
دا اسمه استفزاز
صحيح له ناسه
لكن معروض في سوبر ماركت عام بيدخله الغلبان اللي داخل يشتري كيلو بصل ب 18 جنيه ومش داخل يشوف القرنبيط البربل
نحن في أصعب حالات التضخم

ومش عايزة أقول قد إي الناس كلها بتعاني إلا 10% طبعاً من المجتمع
طب لو المنتجات دي لل10% اعمل سوبر ماركت بشرطة كدا زي اللي تحت عمارات وفندق الفورسيرون ومعروف زبونها
اللي فيها كافة شيء مستورد
تمام
واللي فيها زعيف الفينو ب20 جنيه له ناسه ياسيدي ومحدش بيزعل
وعارفين أن ربنا. خلقنا طبقات
لكن ماتحطش الحاجات دي في ماركت عااام طوب الأرض طالع خارج داخل له
قدروا الناس
وبعدين مش أولي الناس العبقرية دي تبدع وتزرع لنا قمح وتسمن العجول والفراخ. والسمك عشان سعرهم ينزل أو يعملوا بصل للفقراء وكوسة للغلابة ب5 جنبه وصدقوني هتبيعوا ملايين الكيلوات وتستفيدوا من ذكاءكم دا للغالبية العظمي والمكسب أكثر ؟
وبلاها استفزاز في زمن مستفز؟!!
مش كدا ولا أيه ؟؟

شهيرة النجار