في لقاء مع الفنان الكوميدي سامح حسين قال
والدتي كانت المسئولة عننا لحد ما أنا عودي أشتد … عشنا فترة صعبه ولأننا عندنا عزة نفس كانت والدتي الله يرحمها تروح لقرايبنا تقولهم إحنا مربيين فراخ ف المنور عندنا فيقوموا يدوها بقايا أكل عشان الفراخ بس الحقيقة أننا كنا إحنا الفراخ…
فعشنا فترة صعبة جداً ولذلك أنا من صغري بشتغل وبحكيلك وأنا كلي فخر بده ومش متضايق وأنا بحكي …أنا بس مش عايز أقلب اللقاء تراجيدي بس بحكي ده عشان لو أنا مثلاً نموذج كويس عند ربنا …الشباب يحاولوا يبقوا زي..
أنا اتمرمطـ.ـ.ـت كتير الصراحة … في فترة الجامعة اشتغلت فواعلي وبسببها فقرات ظهري تعبت ولحد الآن تعباني بس أنا كنت بدرس في الجامعة ومحتاج فلوس فأعمل ايه؟ ..ايه الشغلانه اللي ينفع اشتغلها جمب الدراسة ؟ فكانت شغله الفواعلي … كنت بشيل بالثلاث آلاف طوبه أو عربيتين رمل عايزين يطلعوهم الكلام ده قبل ما يبقى في مواتير والحاجات دي … وكنت أشيل كله على ظهري لغايه ما ظـ.ــ.ـهري وجعـ.ــني .. اتـمرمـ.ــطت وخبطت ع كل الأبواب طالما أبواب حلال وشريفه وعندي الحلم والأمل ان ربنا شايلي الخير وان ربنا هيطبطب عليا وهو فعلا بيطبطب عليا دايما حتى وأنا بشتغل . الحمد لله
شهيرة النجار
and then