عندنا في مصر مثل شعبي يقول الجنيه غلب الكارنيه وهذا المثل يطلق للدلالة علي تأثير الفلوس وتغليبها علي أي مبدأ
أستعير هنا المثل وأقول الريال غلب الكارانيه
عندما تابعت تصريحات الكنج محمد منير. الذي تربي وترعرع في صعيد مصر العامرة بلد الحضارة المصرية القديمة التي حيرت العالم
وغني وتربع علي عرش الغناء
وماشاء الله كان جوكر إعلانات رمضان الأخيرة بصوته حوالي 3 أو أربع إعلانات لوز اللوز مصروف عشر سنين أدام
وحفلاته ماشاء الله
ويعني لا وراه عيل يشيل همه ولا حاجة
يشيل هم تاريخه الفني فقط لاغير
لا غير يا كنج
تقوم أطلع تقول بعد حفل أمس بالسعودية الجديدة لما قربت من ترك الشيخ عرفت معني كلمة ترفيه
أنا الدمعة فرت من عيني
ليس تأثرًا ولكن علي تاريخك اللي هيختزل في الكلمتين دول
سيب دا لبدرية طلبة عندها بيت وعيال والتزامات
سيبه للمطربة فلانة عندها ماشاء ولاد بتجهزهم كلهم واحد محتاج قصر وتغيير عربية وجواز ومصاريف
سيب لشيرين اللي عايزة ترجع زي الأول
سيب لمطرب درجة رابعة محتاج حرفياً المال والظهور وعدد حفلات
ومحتاج بيت هناك وعربية وشقلة ريالات
لكن أنت محتاج إي ؟
بيت؟
بيوت العرب كلها بيتك وبيحبوا ومفتوح لك الفنادق في كل عواصم الدنيا من شرقها لغربها
فلوس؟ ماشاء الله عندك خير ربنا
دا حتي عندك فندق في الصعيد اللي بنزل فيه بالدولار. من سنين
مجاملة رقيقه منك له؟
في غير محلها ياصديقي القديم
شهيرة النجار
and then