صلاح السعدني دخل الفن صدفة بحتة وليس كما هو منتشر أنه بدأ في مسرح كلية الزراعة مع عادل إمام حكاية تنشر لأول مرة

مما روته الإعلامية هالة السعدني عن عمها صلاح السعدني
ان قصة دخول الفن وجنونه به لعب القدر فيه دوره
حيث كان والدي الراحل محمود السعدني كاتب مسرحية اسمها عزبة بنايوتي وكان المخرج عبد الرحمن الخميسي
كل يوم عمي صلاح كان يذهب مع والدي المسرح من أول البروفات حتي العرض
وفي يوم غاب ممثل اسمه ابو الفتوح عمارة
وكانت مشكلة ولازم العرض يفتح في ليلتها والناس في الصالة
عمي صلاح قال للمخرج أنا حافظ دور عمارة يا أستاذ عبد الرحمن
التفت له وقال بجد
رد عمي والله وحتي كل الأدوار حافظها صم

المخرج قال له أطلع ولا هتفضحني؟
عمي قال له جربني
طلع وادي الدور كما لو كان ممثل محترف من سنين
ونزل من العرض طاير من الفرح
والدي زعل وقال للمخرج ليه كدا بس يا عبد الرحمن الواد صلاح دا أنت خربت له عقله
فرد المخرج ليه؟
قال له هيشبط وأنا مش عايزه يعمل حاجة غير يلتفت لدروسه الآن وبعدها يبقي يفكر في الحاجات دي
ومن يومها وعمي صلاح أصبح مفتون بالتمثيل
يعني عمك بدأ تمثيل مسرح رسمي قبل التمثيل في مسرح الجامعة مع عادل إمام دفعته؟
آه ماهو عمل مسرح الجامعة مع عادل إمام بسبب المسرحية دي
وقد كان
دا فيه موقف حصل في المسرحية دي يهلك من الضحك

نرويه في الحكاية التالية بإذن الله

شهيرة النجار