مين دول في مصر ؟!! وأمام الحي يلعلطوا الشارع أنوار ؟!!

حالة من الاستياء ممزوجة بالدهشة والتساؤلات. تملأ الشارع السكندري خاصة من مر بشارع من أهم شوارع المدينة وهو شارع المشير الرابط بين شارع أبو قير حتي الكورنيش والذي كان محل أحداث شهيرة ملأت الصحف أيام ثورة يناير
الشارع كما هو موضح في الصور مزين علي جانبيه منذ الجمعة الماضية وحتي السبت ليلا بالأنوار علي جانبي الشارع وبوابات الأنوار
المارة تقف وتسأل فيه ايه ؟
راكبي السيارات يخرجون رؤسهم ويسألون فيه ايه ؟!!

الرد إفتتاح محل أكل ؟
كل دا عشان محل أكل ؟
الرد لا دا محل دورين علي 500 متر
ودا محل ايه ؟ أي نوع من الأكل يعني؟
شاورما أي والله
يبقي سورين ؟
لا مصرين ياستي
ترجلت علي قدماي ذهبت فوجدت العلامة المميزة التي يمكن أن تميز بها أي مكان حتي لو هو لمصريين أو لسوريين حتي لو علي الورق لمصريين؟
أي بقا؟

اللون

يا جدع تلاقي صيدليات
كوافيرات
مطاعم شاورما
حلاقين ولون الديكور من الخارج إما برتفالي أو برتقالي في أخضر
أول ماتشوف الدرجة دي ثق أن المكان دا لسوريين حتي لو الرخصة فيها غير هؤلاء
كأنما هي علامة يعرفوا بها بعضهم البعض

المكان كبير جداً
والأغرب إن الأنوار المستفزة بزيادة حبتين وثلاثة في شارع أمام إدارة حي شرق التابع لها المكان
آي والله
زعلت من الاستفزاز وان لو واحد عمل عمود كهرباء في فرح ابنه في حي شعبي يكلف فوق العشر تلاف جنيه يبقي شارع من أوله لآخره وعلي الجانبين والعمائر أنوار
دا من أين وبكام ؟
وعلي حساب مين؟
وياتري سيخ الشاورما والفرخة اللي عاملة دايت بتجيب كل دا؟!

يأتون من سوريا ويتزوجوا مصريات الإقامة والجنسية وبقينا وحدة ولا يحلم بها عبد الناصر

الغريب بقا أن محلات التسالي آيس كريم ومعاها مكسرات وعلي جنب قعدة قهوة ملأت إسكندرية لسوريين أيضاً وفي أفخر وأغلي شوارع المدينة والأماكن الحيوية
وواسعة
أسأل نفسي هو اللب والآيس كريم بكسب آوي كدا؟!!!
أدخل أي محل من دول
شباب زي الورد تقابلك مصريين مصريين
دقايق تنكشهم في الكلام يرطنوا بالسوري
الله سوري يا نجم؟
آيوا
طب عرفت تتقن اللهجة المصري. دي إزاي ؟
عادي جيت من سوريا وأخذت كورس
طب جيت ليه؟
عشان ما أدخلش الجيش
بجد؟
آه والله أصل لو دخلت يا هقتل يا اتقتل
فأحسن أجي مصر
عندك عروسة ؟
ليه ياحبوب ؟ السوريات انقطع نسلهم من الدنيا ماهم مالين البلد ومتكاثرين وناعمين زي الغريبة
حتي اللي نزلوا إسكندرية من أول القرن الماضي يبيعوا فزدق ويعملوا هريسة بقوا أسياد وأهل البلد وبتنططوا علي أهل البلد شوام بقا
يرد الشاب
أنا بقا عايز واحدة مصرية
أرد فهماك يا اولعبان عايز واحدة عشان تأخد الإقامة والجنسية المصرية وتترستق
لا يتمالك الشاب وجهه من الضحك والغيظ لإن فاهمة اللي بيحصل
فيرد عادي
كلنا جينا هنا وعملنا كدا

يا أهل مصر الكرام
أفيقوا يرحمكم الله
ومحدش يقول لي دي شطارتهم
نعمل زيهم
لا اقتصادنا حرفياً جزء من خرابه هؤلاء
واللي يزعل يشرب من البحر
ملحوظة أهالينا من السودان يعملون مع أخواتنا السوريين في تلك المحلات
وتلاقيهم معلمين
تبص علي شاب يبيع أو بيمسح الزجاج تجده شاب مصري
شيء يحزن ويقهر
الفلوس دي. آيه
ومن أين ؟

شهيرة النجار