هند بعتبرها هديه ربنا ليا رغم فرق السن والعمل لكن الظروف جمعتنا من خلال الفيس بوك من فوق ال14 سنة
اكتشفت انها مذاكرة شغلي من أولي صحافه
وبعشق
فيها من شخصيتي
من الإسماعيلية
عاشت في إسكندرية
واحدة من عظيمات مكتبه إسكندرية
اديبه
قاصه
البنت معتبره مفتخره
دماغ بحبه
هانودد
كما تحب منادتها
كتبت هذا
سبحان مقسم الأرزاق، ورافع الناس.. من سنين طويلة وغالباً في الفترة من ٢٠٠٢ ل٢٠٠٦ يعني من عشرين سنة، كان في شاب معانا على إيجي فيلم اسمه عصام السقا وكان شاب محترم جداً وخدوم ومابيغلطش في حد، ومرة اتكلمنا عرض المساعدة في تنسيق أي موضوع بينزل على المنتدى اللي كنت مشرفة عليه وكنت أنا وقتها أدمن منتدى نور الشريف… لمن لا يعرف إيجي فيلم موقع سينمائي كبير كان في منتديات لكل الفنانين وكان هو بديل الفيسبوك بالنسبة لقطاع عريض من الشباب… بندخل نمسك في بعض وبتوع عمرو دياب يسبوا لبتوع فؤاد، وبتوع محمد منير يسبوا للفريقين، والثلاث فرق بتسب لمنتدى تامر حسني، ده غير طبعاً المنتدى الديني اللي عليه إخواننا الشباب المتدينين اللي غاويين سينما زي حالاتي بس بيعانوا من تأنيب الضمير بس قاعدين واكلين شاربين في أي حاجة تخص السينما، وده كان مشرفه محمد أسامة الله يمسيه بالخير وكان مسمي نفسه دكتور ليكتر. المهم اتكلمت مرة مع عصام على خلفية مشكلة ما في المنتدى أنت منين وطلع من الصعيد.. كنا فاكرينه قريب أحمد السقا وطلع مالوش علاقة به بس معجب به جداً ومثله الأعلى وكان هو أدمن جروب السقا وكان غاوي يعمل لوجوهات لطيفة جداً وموضوعات جذابة بألوانها وحجم الخط وخد بالك انت بتكلم ناس معاهم ويندوز ٩٨ وهارد ٢٠ جيجا وبيتصلوا بالنت عن طريق شركة سبعاوي 07775000 فأي حد يكتب موضوع بتنسيق حلو ده كدة كأنه جاب العيد.. السؤال هنا هل هو نفسه نفس الشاب الممثل وصاحب شركة السوشيال ميديا اللي بتشرف على تسويق كل المسلسلات وطلع امبارح في حفل المتحف.. الله أعلم بس أعتقد أنه هو… وده يخليك تسبح بحمد ربنا وتقول سبحان الله.. الدنيا دي أوضتين وصالة .. بس لو هو أحب أقوله جدع يا عصام ياخويا
**أزيدك ياهند **
اللي يقرب من المتحده
يسعد
شهيرة النجار
and then