حفلات بطعم الكشري بالعسل ليه ندفع لمغنيين لبنان بالدولار ؟!! نحن من صنعنا نجوميتهم. جايين تعملوا دعاية لآي !! المكان بايع نفسه مش محتاج راغب ولا نانسي وإيه اللي جاب عمر خيرت جنب هيفا ؟!!!!

أقسم بالله ما عارفة القائمين علي حفلات العلمين دماغهم فيها آي ؟
3 أيام في الأسبوع بينزلوا حفلات دا غير الأماكن الآخري في الساحل !!!
ليه
تعالوا نتكلم بالراحة هل الجمهور المستهدف للحفلات دي التوب VIB؟
لو هؤلاء ؟
معلوماتنا إن الغالبية بتروح معزومة
هل المستهدف الناس اللي بعدهم؟
مش بتروح لأن عندها أولويات آخري
هل المستهدف الشباب ؟
دول لهم دماغ لوحدهم وأنتم عارفين بيروحوا فين؟ وهم كمان شرائح مختلفة لو حتي من طبقة مالية واجتماعية واحدة

هل المستهدف الناس البسيطة والغلابة؟

أعتقد لا ولا لأن مين هيروح يدفع في الساحل إيجار شاليه اليوم ب10 تلاف جنيه أو حجرة في فندق 3 نجوم مش 4 أو خمس نجوم ب12 ألف جنيه بالليلة ويدفع مواصلات وأكل من أجل حضور حفل لاليسا أو عمر خيرت وهو متاح طول العام بالأوبرا
والناس دي هتجيب دا كله من أين وليه؟!!!

أنتم بتفتحوا للجمهور يدخل ويملأ الكراسي؟ آه
طب ليه الدعاية؟
ولمين ؟
المكان بايع نفسه أصلا ومعروف الشريحة اللي راحت اشترت خلاص
والأعلى بالأوي اشتروا وقاعدين في هسيندا وكمان مش أي هسيندا وفي مراسي وأمواج

طب الحفلات دي مين مستفيد منها؟
المغني والمنظم وبتوع الإضاءة ودمتم

ليه تدفع لمطرب لبناني بالدولار حتي لو واخد ربع اجره؟

بنغيظ الناس اللي بتحضرهم وتدفع لهم هناك في السعودية؟
أصلا اتنجموا في مصر والسعودية مش بتأخذ غير اللي بتنجم في مصر
يبقي ليه ندفع للبنانيين مثل نانسي وراغب وهيفاء واليسا؟
دول كانوا زمان ببلاش علي أسعارهم الآن واللي كان بيستحضرهم أماكن السهر اللي بشرب ومعروفة ومعروف روادها اسم. اسم والبلاجات ال… وشركة التطوير العقاري تعمل بهم دعاية ودا كان زمااااان أوي أمًا كانوا موضة وراح عليها الزمن

دول يحضروا فرح كبيرهم سهرة في فندق ليلة رأس سنة أو شم نسيم
لكن يتعمل بهم مهرجان. ويدفع لهم دولارات ليه؟!!!!
صحيح بعضهم مستعد يجي ببلاش للتواجد
وصحيح المشهورين المصريين ممكن يجاملوا ويأخذوا ربع أجرهم
لكن دول عملوا أسماءهم اللي جابت لهم الملايين والقصور من مصر خلاص بقا
الخسران الأول عارفين مين؟

تعالوا أقول لكم؟

زمان كان النشر عندي كبيره أنشر ويسرقوا مني ويقلدوا وفي كل الأحوال نقول مليون قاريء بيعرفوا حياة وحفلات الساحل؟ نقول مليون

الآن السوشيال ميديا جعلت ال120 مليون متابعين لهم في كل لحظةو الناس عندها حنق وغضب ونفسها تيجي الساحل مش عارفة
وبتسمع أرقام فلكية لأسعار المغنيبن دول وأسعار تذاكر أعلم يقينا إنها غير صحيحة وكله… والجمهور دا ناس من أهالينا الطيبين بيملوا مكان
الناس زعلانة
الناس مش مبسوطة من مًوضوع حفلات العلمين وجنبهم مراسي وصور الراقصات والشعبي. طايحة في الساحل

ليه سيدي عبد الرحمن بلدنا الليلةي1200 دولار

يا ناس الليلة في فندق سيدي عبد الرحمن سابقاً اللي كنا بنروح له ب500 جنيه بقت ب1200 دولار في الليلة بثمن إقامة أسبوع في شقة فندقية باليونان رغم غلو الأسعار
مش عارفين أن الناس حتي المتوسطة اللي كانت بتروح لم يعد متاح لها تدخل أي فندق هناك؟!!!
مش عارفين ان رغم كل دا مفيش فنادق خالية ومتعرفش الناس دي أي
ووزارة السياحة سايبة الفنادق تدبح ومحدش يهوب من استثمارات فنادق العبار
واللي مش عاجبه من الكحل.. وكله وأصحاب فنادق الساحل بيقلده ويذبح وتسأل يكون الرد جاهز شوفوا مراسي!!!!
ليه
الساحل الشمالي

ونعيد ونزيد نظام حفلات منظمي زمان لا تصلح الآن الناس تغيرت والدنيا تغيرت

وعمر خيرت مكانه الأوبرا أو مطور عقاري واليسا مكانها فرح وراغب شرحه وهيفاء سهرة رأس سنة أو مكان سهر سهر سهر سهر بعيدها مرات
ونانسي تحضر كتب كتاب تتشاف في كليب
لكن مهرجان دولة رسمي إيه
وليه
عشان آي
وعلي رأي هاني رمزي في محامي خلع لا يختلط الزيت مع الماء
وأنا بقول وزارة الثقافة مع السياحة مع المتحدة عملوا كشري بالمكسرات والصوص الصيني المسكر

شهيرة النجار