(2 ) ما كتبته عن تكاليف عزومات الساحل قشور فيه عشرات النماذج خارج العقل مثلاً زوجة رجل أعمال عزمت سيدات معروفات من الإبرة للصاروخ علي اليونان مرتين في الصيف آخرهم آخر أغسطس وقصور الموسم كله عزومات إذا….. نحكي

أرسل لي صديق معلقا علي خبر عزومات الساحل التي يتعدي تكلفة العزومة 200 ألف جنيه للعزومة
قائلاً لي مع بعض الأصدقاء المقيمين في الساحل الثقيل حسبتك غلط يا أستاذة
وبعضهم كتب لي أنتي فقيرة أوي
طبعاً معهم كل الحق
فيما قالوه لي ولكن عند الكتابة الواحدة بتراعي استفزاز الناس وبكل أسف تلك الشريحة هي التي يري وزير مالية مصر الناس كلها كدا فبيحاسب بقية الشعب انه عايش كدا

لما يسمع عن كم الإنفاق بالساحل

أنا كتبت إن أقل عزومة لاتقل عن 200 ألف جنيه وهذا صحيح لما تكون عزومة بها 100 سيدة مثلاً لكن العزومات الكبيرة بال 500 فرد وفيها أكل وشرب وديكور ومزيكا بتوصل لمليون
والعزومات التي تكون لمناسبة عيد زواج أو ميلاد تقارب بل تتعدي ذلك الرقم
مثلاً رجل أعمال لم يكن له في العزومات
أقام عزومة رد عزومات من بداية الصيف
العزومة في فيلته المؤجرة تعدت ال 300 فرد ب 700 ألف جنيه أقله
أولاده بقا بزوجاتهم ودول أبسط حاجة يزهقوا يطلعوا علي اليونان ومنها باريس وجولة في أوربا واشبك علي أمريكا
دول عندهم موظفين فقط لإنهاء إجراءات السفر والتنقل بين الدول وتجديد الباسبورات
وأصلًا عندهم جنسيات أوربية
لإن اللي بيشتري بيت في اليونان يأخذ جنسية وأصلا عندهم بيوت في غالبية أوربا وطالما أخذت جنسية اليونان تدخل كل أوربا ماعدا إنجلترا عادي وكذلك بلجيكا اشتريت بيت أخذت جنسية وفيه سماسرة لذلك سيدات مجتمع شياكة الشياكة

المهم يعني أولاد رجل الأعمال هذا طول الصيف في الفترات المقيمين بها في الساحل حفلات وعزومات تعدت ال 5 مليون جنيه
ايوا الرقم صح
وبحسبة بسيطة تجد المسألة بسيطة جداً
وأصلا طول الصيف والشتاء بين أوربا وداخل أمريكا ومصر متنقلين
جونة
الأقصر
شرم الشيخ
أسوان
أجمل بقع في مصر حيث الدفء طول السنة تقريباً مش بيعيشوا الشتاء إلا لحظة الدخول والانتقال من السيارة للطائرة وبرا الشبابيك مطر علي رأي محمد منير

رجل أعمال آخر وحفلاته

رجل أعمال آخر ثقيل كل ويك اند أمًا يعزم في قصره بالساحل الحبايب أو يعزمهم في مطعم من المطاعم الفاخرة أقل عزومة 400 ألف جنيه
لا ياشيخة ؟!!
آه

رجل أعمال ثالث

رجل أعمال ثالث بيبني في اليونان من زمان ويبيع عنده قصور في الساحل الثقيل، عزومات أولاده وهو يدعو في قصره عزومات تتعدي المليون جنيه للعزومة

رجل أعمال رابع

طول الصيف في الصيف في يخته بيعزم الأصدقاء مجموعات صغيرة حسبة كل مرة حاجة بسيطة تدخل في 100 ألف جنيه

رجل أعمال خامس

يدخل المكان للسهر في الساحل الطرابيزه اللي فيها علي حسابه
الشيك بالشرب للحبايب يدخل في 300 ألف جنيه مصري فقط لا غير احسب كام مرة دخل، دا غير العزومات، رجل الأعمال هذا من قائمة أثرياء مصر فهذا بالنسبة له إيراد سنتوفه من أصغر مشروع لفرع صغير عنده في بقعة بمصر

رجل أعمال سادس

سمع أن منافسه عمل عزومة جامدة علا عليه وعمل الدوبل عزومة وأكل من أين
وشرب إي وديكور أي دفع بعد المليون حبيبي حبيبي

رجل أعمال سابع

دا بقا صيفه في بيته أوبن بوفيه
أوبن بار لأي حد من معارفه
أصحابه
ليل نهار
العمالة في قصره معتاده علي وضع الأكل والشرب زي سبيل كدا
ومدير للأغذية والمشروبات عنده تماماً مثل الفنادق شغلته الإشراف وشراء طلبات القصر من أطعمة وشرب وخامات
ومسؤل للإشراف علي العاملين من نظافة وكافة شيء مدير قصر يعني وتحت يده عشرات العاملين مدير النظافة وتحت مدير النظافة عشرات
مدير أمن المكان وتحت أيده سيكيورتي
ومدير الطهاه وتحت يده كام طباخ للشرقي والغربي
وايه
وعشرات العاملين
والسائقين وكل شغلة لها مشرف ومدير مسؤل وتحت منها عشرات
احسب بقا ومدير الإشراف علي تنظيف الملابس وكي وغسل حاجات يدخل تحتها مشهد من مسلسل الخديوي حرفياً
احنا عندنا في مصر في الساحل خديويات علي كتير مش رسميين
معروف معلوم

لكن معروف للمحيطين
دول يخدموا علي الأصحاب طول موسم الصيف العاملين دول وأكلهم وشربهم ورواتبهم والإقامة فقط احسبوها أنتم

رجل أعمال ثامن

رجل أعمال سوري الأصل عزوماته ملايين إذا كانت أفراحه بتكلف قد كدا في قد كدا. عزوماته في الساحل من وراء العقل المنطقي فيها كل شخصية مهمة مالية
إعلامية
فنية
إجتماعية
قول

زوجة رجل أعمال طلعت بشلة حريم اليونان عزماهم من A &Z

زوجة رجل أعمال بقا حبت تعلي علي زوجات رجال أعمال مصر والدول العربية في الساحل أخدت مجموعة سيدات ايشي مذيعات علي اي علي صديقات
علي أي من التذكرة لحد الإقامة لحد وطيران علي اليونان يلا نفك نفسنا وبوز البطة نتصور
زوجة رجل الأعمال الثقيل بالأوي دي لا تتحرك إلا بكرافيرة وماكييرة ولبيسة وطبعاً بودي جاردات
في اي مكان تذهب له 24 ساعة ولهم إقامة معها وراتب شهري مؤكد
احسبوا بس طلعة العزومة دي للسيدات باليونان
وبعدها تور خفيف
والعاملين لخدمتها فقط كوافيرة وماكييرة طول السنة مع اللبيسه
سبحانه وتعالي

مخرج عمل عزومات بملايين

مخرج عمل عزومات بملايين في الساحل
مثلاً مخرج عمل عزومات بملايين حرفياً وهو ماشاء الله عليه بيخرج أفراح بعض الأمراء في الخليج وأثرياء العرب بالإضافة لكون اسمه زي الطبل في مصر
أقل فرح أو كليب بيعمله نظرا لإنه الأول وراكب السوق الآن في مصر أقله 100 ألف دولار اسمه ماركة
عزومات لأهل المجتمع والفن
والعمل والأصدقاء من خارج مصر
وبرضه عندهم طاقم مديرين، للآمن والطهاه والأغذية والمشروبات
والأمن والكوافير
كثير ربنا يزيدهم من فضله

أصدقائي وزملائي لاتنكشوني أكتب وأطلع
فما سطرته الآن نماذج معروف أبطالها
ولكن ما أعلمه أكثر وأكثر
ولن يهم أحد
كل واحد حر
وربنا يعطينا ونعزم ونطلع حبايبنا بالطائرات
واللهم ابعد عن صدورنا الحقد والنظر لما في حياة الناس
ولكن أكتب عن عوالم آخري تعيش في مصر
مصريون أبا عن جد لهم حياة ليست كحياة الأثرياء العاديين
ولا حياة أثرياء السبعينات نقدر نقول مثل حياة باشوات الأربعينات والخمسينات
باشاوات مصر مع أجيالهم التالية
منهم من كانوا بسطاء وحفروا في الصخر
ومنهم من ورث
ومنهم من استكمل ما تركه الآباء
ومنهم من ظهر من حيث لا نعلم وهؤلاء الأخيرين كتير
وبين كل هذا فيه ناس كتير بترزق
وفاتحة بيوت والدنيا دائرة

صحيح ماتعرفش اللي في البوفيهات دا من شياكته دا حادق ولاحلو
تنافس علي إبداع أشكال وأصناف جديدة تبهر الضيوف اللي بشرطة
عشان أما يخرجوا يعرفوا قيمة اللي عازم
أكل بمئات ألوف
سيرفيس بمئات ألوف
عمالة بتخدم تيجي ب 50 ألف لوحدها حسب عدد الضيوف
شرب يدخل في النص مليون
قول العزومة الواحدة بكام وأهم حاجة شكل السرفيس والكوالتي دا حتي بدعوا للبوفيهات مراوح مخصوص عشان ذباب الساحل
ونظام بوفيه الديك الرومي والخراف والبكاتا دا قديم قوي مع الرقاق وورق العنب والمحاشي
دول في مكان وحته ثانية وياسلام لو الأكل هيلثي واورجنك إضرب حسبة العزومة دي في أربعة
أومال
فلان عمل عزومة واو كلها هيلثي فود وشكلها يهبل

ولا دايم إلا وجه الله الكريم

شهيرة النجار