هديك جدول تمشي عليه علشان تغتنم الليلة العظيمة دي وميضعش منك ثانيه فيه..
١- هتفطر وتصلي المغرب لو كنت صائم وتقعد تسبح وتستغفر لحد العشاء ..
٢- هتصلي العشاء جماعة في المسجد وتخطفلك ساعتين تنام وتظبط المنبه ولازم تقوم قبل الساعة واحدة
٣- هتقوم تتسحر وتتوضي وتجهز الغرفة اللي هتصلي فيها وتقفلها بحيث تعرف تصلي ومحدش يدخل يخليك تسرح في الصلاة
٤ – هتبدأ بركعتين خفاف كده علشان منصَعبش على نفسنا وهمتنا تنزل من الأول وكده
٥-لازم نُكتب من المقنطرين..
هنقرأ من الملك لأخر القرآن ..”جزء عم ، وتبارك”
٦- القيام عدد ركعاته غير محدودة بس النبي صلي الله عليه وسلم كان بيصليهم 11 ركعه مثني مثني ويختم بركعة.
٧- تكون مجهز كل حاجة ف الغرفة اللي هتصلي فيها بحيث متخرجش وتنشغل بحاجة..
٨- ندعي بخيري الدنيا والآخره اللي هو متدعيش للدنيا وتنسى الآخرة وخلي دايما في بالك ” ربنا آتنا في الدنيا حسنة وفي الاخرة حسنة وقنا عذاب النار”
٩ – نبدأ بقى في الاستغفار ونخليه قبل الفجر بربع ساعه علشان نُكتب من “المستغفرين بالاسحار”
١٠- نكثر من الصلاة على سيدنا النبي وأفضل صيغة هي الصلاة الإبراهيمية
١١- نصلي الفجر جماعة في المسجد ” ومننساش السُّنة ..
بعد ما تصلي اوعى تقوم من مكانك قبل ما تغتنم دعاء الملائكه لك ورددي ” لا إله إلا الله وحده لا شريك له له للملك وله الحمد يحي ويميت وهو علي كل شئ قدير” عشرا
ده قبل ما تتحرك من مكانك بعد التحيات
ونقرأ آيه الكرسي وأذكار الصلاة.
11- خلصنا الفجر..ندخل تاني لمكان قيام الليل ومصحفنا في أيدينا
ونقرأ قرآن لحد الشروق وبعدين نصلي الضحي ” علشان تكتب أجر حج وعمرة “
١٢- حط ف قلبك يقين بإجابة كل دعواتك
أسأل الله لي و لكم فرحا وجبرا في هذا اليوم..
اللهم آمين
ويعود علينا وعليكم الأيام بخير يارب العالمين
شهيرة النجار
and then