معقول اللي بيحصل ده ؟!
و أنا بشوف فيلمي المفضل ” الرlقصة و السياسي ” دلوقتي على قناة “نايل سينما ” .. جه المشهد ده ..
اللي هو يعتبر أهم مشهد في الفيلم
و لاحظت انهم عملوا حاجة غريبة جداً .. الحوار كالآتي :
- إنتى عايزة إيه بالظبط ؟
= الموافقة على دار للأيتام - ما أقدرش أعملك حاجة .. ما أقدرش أتوسّط لرقاصة
= إيه الحكاية .. رقاصة رقاصة !
ما احنا الاتنين زى بعض يا عبد الحميد - إنتى قليلة الأدب
= و إنت كدlب ، عشان بتكدب على نفسك قبل ما تكدب على الناس .. كل واحد فينا بيرقص بطريقته .. أنا بهز وسطي و إنت بتلعّب لسانك و تخطب - الفرق شاسع يا عالمه يا …
= أنا اقولك الفرق .. احنا الإتنين بنطلع فى التليفزيون ، أنا الناس بتتفرج عليا و أنت أول لما بتطلع الناس بتقفل التليفزيون .. عشان انت رقصك ملوش جمهور .. إنما أنا رقصى ليه جمهور .. عارف ليه ؟
- لإن بضاعتك رخيصة .. هدفك تشعــللي الغرايز المكــبوته عند الناس .. إنتى شغلك الإثارة
= اسم الله على مقامك الرفيع .. و إنت شغلك يبقى إيه لما توعد الناس بمستقبل مشرق ، و يجى بكرة ميطلعلوش شمس !
- اللي نايل سينما عملته انها حذفت اخر جملة دي ..
و اللي هي أهم جملة و فيها المورال بتاع الفيلم كله
أنا عندي سؤال .. .. لدرجة انهم يحذفوا جملة من فيلم فات عليه 35 سنة !
بس الفيلم أصبح كل مشهد فيه محفور عند الناس
أنا بعتبره أهم فيلم في آخر 50 سنة
شهيرة النجار
and then