خلي بالك.. ماتخليش حد يلعب بعقلك

سبب كتابة السطرين دول
واحد دخل عليا منذ عامين انبوكس يرسل لي بإلحاح ادعية
وأنا لا ارد شهر
سنه ورا سنة
تعجبت شديد العجب ان لديه هذا الإلحاح
وأنا ما اعرفوش يرسل ولا أرد
المهم بعت لي منذ عام ان بعت طلب صداقة وأنا لم اقبله رديت ان عديت الليمتد
قوم ليلة رمضان شوفوا بقا الشغل الجامد واللعب في العقول والاصطياد علي أصوله
بعت دعاء
ربنا يبطل السحر ويجزي الساحرين
ما علقتش
لحد امس
وجدته باعت لي من فضلك اقرأي أو اسمعي سور
يونس وص والقمر
ليه ياعم؟
هو كدا
لازم وهتحسي بفرق شديد
فرق في ايه؟
اسمعيهم بس
رديت أنا بفضل الله عندي أورادي وأقرأ القرآن يومياً مش محتاجة توجيهات من حد
يرسل: أصل حلمت حلم سيء لحضرتك؟
تعرفني؟
لابس أعرفك روحياً !!
هنا بقا بتيجي المصيدة روحياً واحد يدخل عليك ويملا عقلك ان بخاف عليك وواصل لله وان حاسس ان عندك اي واي
طب ما الدنيا كلها عندها مشاكل
المهم قلت بكتاب الله اللي يستحقه وانهيت بشروا ولاتنفروا
رد :
ما أنا ببشر اهه وطبعاً ضرب ميت لخمة معايا لان رديت بكتاب الله
ان السحر اللي بيوهمني ان عندي لو موجود ربنا بيبطل عمل الساحرين في رمضان
وان طالما بتقول الأذكار صباحا ومساء عمر ما شيء يؤذيك
وما هم بضارين به من أحد إلا بإذن الله
الناس دي كتير
وكتير أوي علي الفيس بوك
خدوا بالكم منهم كويس جداً ولا تعطوهم عقولكم
لان لهم أغراض

ويل سميث في فيلم Focus كان شغال نصاب..
كان الهدف بتاعه ملياردير بيحب يلعب قمار ، ويل سميث راهن الملياردير أنه يبص علي ملعب ال American football
والملياردير يختار رقم أي لاعب ف الملعب وصديقه ويل سميث هتقول رقم اللاعب اللي الملياردير إختاره.
(أنت متخيل حد بيراهنك أنك تبص على ملعب فيه كل لاعب لابس تي شيرت برقم مختلف ويراهنك أنه هيقولك على الرقم اللي أنت بصيت عليه)..!

ويل سميث وهو بيشرح إزاي كسب الرهان، هو وضح للملياردير رقم 55 أكتر من سبع مرات خلال اليوم، مرة علي باب الأسانسير ومرة مكتوب علي جدار في الفندق ومرة على ضهر مشجع في الشارع!
الفكرة إن ويل سميث كان بيحشي عقل الملياردير الباطن ب رقم 55 عشان وقت ما يحب يراهن عقله اتوماتيك يستدعي الرقم ده.

دا حرفياً اللي بيحصل مع كل واحد فينا بشكل يومي،
عقلنا الباطن بيتملي باللي بنشوفه وبنقراه، أفكارنا هي إنعكاس للي موجود في عقلنا الباطن، فتلاقي واحد بيقولك أنا مش لاقي شغل والدنيا مقفلة ومحدش بيشتغل غير بوسايط، وتلاقي حد بيقولك إنك مهما إجتهدت في شغلك عمرك ما هتوصل.
هما بيقولوا كدا عشان عقلهم الباطن متحاوط بناس بتنقل ليهم بشكل غير مباشر إن مفيش شغل وإن المجتهد مالهوش مكان.

فنصيحة حاول “تهرب” من الناس السلبية اللي دايما بتمليى عقلك الباطن بالمشاكل والفشل واليأس، خلي عقلك الباطن مليان بناس بتديك أمل عشان وقت ما عقلك الباطن يستدعي مشهد معين، يستدعي مشهد فيه أمل.

شهيرة النجار